افغانستان ده زوروانلیکلر کوپه‌یگنی توغریسیده بیرلشگن ملتلر تشکیلاتی نینگ خوفسیزلیک کینگشی نی یولگه قوییلگن فوق‌العاده ییغینیده، افغانستان بوییچه بیرلشگن ملتلر تشکیلاتی باش‌کاتبی نینگ خاص نماینده‌سی دیبرا لاینز نینگ ایتیشیچه، بو مملکت خوفلی بیر باسقیچ گه کیرگن و افغانستان سوریه تقدیری گه دوچ کیلیشی ممکن.
مذکور ییغینده خانم لاینز، تینچلیک سوزلشوولری آلغه کیتیشی اوچون بیرلشگن ملتلر تشکیلاتی نی فعال نقشی نی سوره‌ب و اورغولشیچه، بو توغریده بیر نتیجه گه ایریشیلمه‌گن صورتده، طالبان نماینده‌لری نینگ سفریده‌گی تحریم تمدید ایتیلیشی کیره‌ک.
شونینگدیک مذکور ییغینده بیرلشگن ملتلر تشکیلاتی گه اعضا مملکتلرنینگ نماینده‌لری، افغانستانده‌گی زوروانلیکلرنی قاره‌لب و تیزلیککه آتیش کیسین برقرار ایتیلیشی و سیاسی بیر ییچیم یول ایجاد ایتیلیشی نی سوره‌شگن.
بیزلرنینگ فیسبوک صحیفه‌میزگه باش اورینگ!
عین حالده، سیاسی ایشلر بیلرمانلر افغانستان وضعیتی توغریسیده بیرلشگن ملتلر تشکیلاتی نینگ خوفسیزلیک کینگش ییغینی نی اونملی بیلمه‌ی و ایتیش‌لریچه، بو ییغینلر توقعات‌لرنی برآورده قیله آلمه‌گن.
کانادا ده سیاسی ایش بیلرمان حکیم ناظم نینگ ایتیشیچه، افغانستان بو ییغینده ایچکی و چیت‌ایللیک ترورچیلیک گروه‌لر فعالیتی قاره‌لنیب و شونینگدیک پاکستان ترورچیلرنینگ حمایتچیسی صفتیده افغانستان گه ترورچیلرنینگ کیریشی گه رخصت بیرمه‌سی اوچون پاکستان مملکتی اوستیگه باسیم کیلتیریلیشی کوتیب توریلگن ایدی، بیراق بونده‌ی بولمه‌دی.
شونینگدیک خلق‌ارا علاقه‌لر ایش بیلرمانی سیدباقر محسنی نینگ ایتیشیچه، بو ییغینده یالغیز توصیه‌لرگه دقت قیلینگن که بو توصیه‌لرنینگ افغانستان جاری وضعیتی اوستیگه هیچ قنده‌ی تأثیری یوق.
اونگه کوره، یالغیز بیانیه صادر ایتیلیشی ییترلی ایمس و خوفسیزلیک کینگشی نینگ یوقاری مرتبه‌لی اعضالریدن قطاری طالبان‌دن طرفدارلیک قیله‌دی.
مملکتده زوروانلیکلر کوپه‌یشی و انسان حقلری طالبان گروهی و باشقه ترورچیلیک گروه‌لر تامانیدن نقض ایتیلیشی بیلن، مملکت تشقی ایشلر وزیری محمدحنیف اتمر بیرلشگن ملتلر تشکیلاتی خوفسیزلیک کینگشی نینگ دوره‌یی ریاستی نی عهده‌دار بولگن هند مملکتیدن، افغانستان توغریسیده بو کینگش نینگ خاص ییغینی یولگه قوییلیشی نی سوره‌گن ایدی.
