مملکت تشقی ایشلر وزیری محمدحنیف اتمر نینگ ایتیشیچه، طالبان تینچلیک سوزلشوولرینی قیته باشله‌شی کیره‌ک.
بوگون (پنجشنبه ۲۳- دلو) جناب اتمر کابل ده خبری بیر ییغین اوتکزیب ایتیشیچه، منطقه مملکت‌لری و افغانستان نینگ خلق‌ارا همکارلری طالبان گروهیدن سوزلشوو میزی گه قیتیب و مذاکره نی قیته‌دن باشله‌شینی سوره‌گن.
مذکور ییغینده جناب اتمر نینگ ایتیشیچه، منطقه مملکت‌لری و خلق‌ارا همکارلر طالبان نینگ القاعده ترماغی و باشقه ترورچیلیک گروه‌لر بیلن علاقه‌لری بارلیگی نی قبول قیلینمه‌ی دیب و بو گروه‌لر آره‌سیده‌گی علاقه‌لرنینگ تیزلیککه کیسیلیشی اوستیگه اورغوله‌گن.
تشقی ایشلر وزیری گه کوره، افغانستان نینگ خلق‌ارا همکارلری افغانلر رهبرلیگی آستیده بولگن تینچلیک پروسه‌سیدن حمایت قیله‌دی. اتمر نینگ ایتیشیچه، طالبان اساسی ایسته‌کلرینی سوزلشوولر میزی اوستیگه بیان قیلیش‌لری کیره‌ک.
او، قطر ده افغانستانلیکلرارا سوزلشوولرنینگ نیچه هفته‌لیک توختلگنی گه اشاره قیلیب ایتیشیچه، سوزلشوولر حاضرهم قیینچلیککه دوچ کیلمه‌گن و طالبان دنیا جماعه‌چیلیگی نینگ باسیمی بیلن سوزلشوولرگه قیتیش احتمالی بار.
بونده‌ی بیاناتلر ارایه ایتیلگن بیرحالده، افغانستانلیکلرارا سوزلشوولرنینگ ایکینچی دوریدن بیر یریم آیدن آرتیق اوتیشی بیلن حاضرگچه ایکی تامان هیأت‌لری آره‌سیده هیچ بیر رسمی ییغین یولگه قوییلمه‌گن و طالبان گروهی منطقه مملکت‌لریگه سفر قیلیب کیلماقده.
