افغانستان ده بیرلشگن ملتلر تشکیلاتی باش‌کاتبی نینگ خاص نماینده‌سی دیبرا لاینز نینگ آگاه‌لنتیریشیچه، چیت‌ایللیک کوچلرنینگ افغانستان دن چیقیش پروسه‌سی باشلنگن بیرحالده، طالبان هجومی کوپه‌یگن. بیرلشگن ملتلر تشکیلاتی اوشبو ناتینچلیک‌لرنینگ منطقه و دنیا ده یمان تأثیری اوستیگه اورغوله‌گن.
بیرلشگن ملتلر تشکیلاتی نینگ خوفسیزلیک کینگشی، اوتگن کون افغانستان توغریسیده بیر ییغین تشکیل بیردی. اونینگ کوپه‌یتیریشیچه، طالبان می آیی‌دن بویان افغانستان نینگ ۳۷۰ تومنیدن ۵۰ تومنی نی نظارت گه آلیش موفق بولگن.
بیزلرنینگ فیسبوک صحیفه‌میزگه باش اورینگ!
دیبرا لاینز نینگ ایتیشیچه: «افغانستان ده آتیشمه‌لر کوپه‌یشی منطقه مملکت‌لریدن کوپینچه‌سی نینگ ناتینچلیک معناسیگه کیله‌دی.»
افغانستان ده بیرلشگن ملتلر تشکیلاتی باش‌کاتبی خاص نماینده‌سی نینگ اورغولشیچه، طالبان ولایتلر مرکزی اطرافیده‌گی تومنلرنی نظارتگه آلگن و چیت‌ایللیک کوچلرنینگ چیقیشی بیلن ولایتلر مرکزی نی هم نظارتگه آلیش اوچون سعی و حرکت قیلماقده.
بیراق حکومت رسانه‌لر و معلومات مرکزی باشلیغی دواخان مینه‌پال نینگ سلام‌وطندارگه ایتیشیچه، طالبان اوروش ده هیچ قنده‌ی یوتوققه ایریشمه‌گن و اولرنینگ یالغیز یوتوغی ویرانلیک و بوزمه‌کارلیک دیر.
دواخان مینه‌پال گه کوره، طالبان افغانستان نینگ هیچ بیر نقطه‌سیده حاکمیتی یوق و اولرنینگ حاکمیتی قطار منطقه‌لرده یالغیز نیچه ساعتلیک دیر و امنیتی کوچلر قولدن کیتگن منطقه‌لرنی تیزلیککه قیته‌دن آله‌دی.
بیزلرنینگ توییترده هم تعقیب قیلینگ!
باشقه بیر تاماندن مدافعه وزیرلیگی سرپرستی بسم‌الله محمدی اهالی گه خطاب ایتیشیچه، هر قیمت بیلن بولسه هم افغانستان دن دفاع قیله‌دیلر. مدافعه وزیرلیگی سرپرستی نینگ کوپه‌یتیریشیچه: «طالبان گه شوم هدف‌لریگه ییتیشیش و ناقانونی رژیم‌لرینی اهالی نینگ اوستیگه تحمیل قیلیش اوچون رخصت بیرمه‌یمیز.»
شونینگدیک ایچکی ایشلر وزیرلیگی سرپرستی عبدالستار میرزکوال ینگی‌لیکده ایتیشیچه، امنیتی و مدافعه کوچلر برچه ییرلرگه ییرلشماقده و طالبان نینگ هیچ بیر ییرده تینچ مکانلری یوق.
