اسلامی امارت سوزلاوچیسی ذبیح‌الله مجاهد، پاکستان، ایران و قطر پکتیکا ولایتیده زلزله طفیلی زیان کورگنلرگه یاردم بیرگنلریدن خبر بیرگن.

مجاهد نینگ توییتر صحیفه‌سیده یازیشیچه، پاکستان‌دن ییگولیک ماده‌ و کیره‌کلی نرسه‌لر یوکلنگن ۸ موتر ییر آرقه‌لی پکتیکا ولایتی گه ییتیشگن.

مجاهد گه کوره، ایران نینگ انسان پرورلیک یاردم‌لر یوکلنگن ایکی تیک اوچری افغانستان گه یوباریلگن. اسلامی امارت سوزلاوچیسی نینگ کوپه‌یتیریشیچه، اوتگن کیچه قطر نینگ انسان پرورلیک یاردم‌‌لری یوکلنگن اوچاقی کابل گه ییتیب کیلگن.

بیزلرنینگ فیسبوک صحیفه‌میزگه باش اورینگ!

شونینگدیک بوندن آلدین،  قطار مملکت‌لر نینگ رسمی‌لری خوست و پکتیکا ولایت‌لریده یوز بیرگن زلزله عاقبتیده زیان کورگنلر گه یاردم کورسه‌تیش اوچون تیارگرلیکلری نی بیلدیرگنلر.

مذکور زلزله نتیجه‌سیده، خلق‌ارا تشکیلات‌لردن قطاری اوشبو طبیعی حادثه‌‌ده زیان کورگن و قربان بولگنلر گه یاردم بیریش اوچون سعی و حرکت قیلیش‌لری نی اعلام قیلگنلر.

ینگی‌لیکده جاپان دولتی نینگ اعلام قیلیشیچه، زلزله‌ده زیان کورگنلر گه یاردم بیریش اوچون تیارگرلیک آله‌دی. جاپان دولتی کابینه‌‌سی نینگ باش‌کاتبی سیجی کیهارا بیر خبری ییغین‌ده ایتگن که، اوشبو مملکت دولتی افغانستان‌ده زلزله‌ده زیان کورگنلر گه عاجل یاردم‌لر نینگ تیارقیلماقده دیر.

اوتگن کیچه مملکت نینگ شرقی و جنوبی ولایت‌لریده یوز بیرگن زلزله‌ نتیجه‌سیده، یوزلرچه کیشی اولیب و یره‌لنگن و شونینگدیک یشاوچیلر گه کوپینچه مالی و جانی زیان ییتشگن. محلی مسئوللردن آلینگن سونگی آمار اساسیده، یالغیز پکتیکا ولایتی نینگ ایکی تومنی‌ده ۱۰۰۰ کیشی اولیب و ۱۵۰۰ کیشی یره‌لنگن. مسئوللر گه کوره، آمار کوپه‌یماقده دیر.

بیرلشگن ملت‌لر تشکیلاتی نینگ باش‌کاتبی آنتونیو گوترش توییتر صحیفه‌سیده، افغانستان‌ ده یوز بیرگن زلزله عاقبتیده زیان کورگنلر گه همدردلیک بیلدیرگن. اونینگ یازیشیچه، افغانستان ده بیرلشگن ملت‌لر تشکیلاتی نینگ تیمی اهالی نیازلر نی تیکشیریب و دستلبکی یاردم‌لر نینگ تامین‌ قیلماقده.

بیزلرنینگ توییترده هم تعقیب قیلینگ!

افغانستان بوییچه آمریکا تشقی ایشلر وزیرلیگی نینگ خاص نماینده‌سی توماس وِست نینگ ایتیشیچه، خوست و پکتیکا‌ده یوزلرچه بی‌گناه افغان نینگ جانی نی آلگن «دهشت‌لی» زلزله‌ گه تیگیشلی گزارش‌لردن «شدت‌لی بیر شکلده غمگین‌» بولگن.

شونده‌ی بیرحالده، افغانستان انسانی حقوق و عیال‌لر ایشلری بوییچه آمریکا خاص نماینده‌سی رینا امیری، اوشبو ولایت شرق تامانیده‌گی وضعیت نی «فاجعه‌لی» دیگن. امیری نینگ توییتر صحیفه‌سیده تاکید قیلیشیچه، بوندن آلدین افغانستان شرقی‌ده‌گی سونگی انسانی فاجعه‌ یانیده، زلزله هم اوشبو وضعیت نی کوپراق یامان‌لشتیرگن.

شونینگدیک مملکت‌لردن قطاری نینگ رسمی‌لری افغانستان‌ نینگ ولایت‌لریده یوز بیرگن زلزله خصوصیده تاسف بیلدیریب و ایتگنلر که، اوشبو فاجعه نینگ یوز بیرگنی گه حیرت قیلگنلر. شونینگدیک اولر یاردم‌لر یوباریش خصوصیده تاکید قیلگنلر.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام