اسلامی امارت باش وزیری محمدحسن آخوند، کابینه نینگ فوق‌العاده ییغینیده، پکتیکا و خوست ولایت‌لریده زلزله قربانی‌لری و زیان کورگن عایله‌لر گه ۱ میلیارد افغانی یاردم بیریلیشینی منظور قیلدی.
باختر دولت آژانسی نینگ معلوماتی اساسیده، اوشبو ییغینده مملکت باش وزیری مذکور حادثه قربانی‌لری و زیان کورگن عایله‌لر گه قیغوداشلیک بیلدیریش گه قوشیمچه، باغلیق اداره لرگه زلزله باعث زیان کورگنلر گه یاردم بیریش اوچون اقدام قیلیش بویروغینی بیرگن.
بیزلرنینگ فیسبوک صحیفه‌میزگه باش اورینگ!
اسلامی امارت باش وزیری زلزله یوز بیرگن منطقه‌لر گه آزیق_آوقت، کییم_کیچک و دارو هوا و ییر ترانسپورت آرقه‌لی انتقال بیریلیشینی بیلدیرگن. شونینگدیک یوقاری مرتبه‌لی بیر هیأت نی اوشبو منطقه‌لر گه سفر قیلیب و یاردم‌لرنی تیزلیک بیلن توزیع قیلیش اوچون تعینله‌گن.
بوگون بامداد چاغی ساعت ۱:۳۰ اطرافی ده مملکت نینگ بیرقطار ولایت‌لریده قتیق زلزله یوز بیردی. اوشبو زلزله قدرتی۶.۱ درجه ریشتر اندازه‌گیرلیک بولیب و مرکزی خوست ولایتی نینگ جنوب_شرقی ۴۴ کیلومترلیگی دییلگن.
بیزلرنینگ توییترده هم تعقیب قیلینگ!
طبیعی آفت‌لرنی باشقریش بوییچه دولت وزیرلیگی نینگ معینی شرف‌الدین مسلم، بوگون توش‌دن کیین مطبوعاتی ییغینده اشتراک ایتیب پکتیکا، خوست و ننگرهار ولایت‌لریده زلزله باعث ۹۲۰ کیشی هلاک بولیب و ۶۱۰ کیشی یره‌لنگنیدن خبر بیردی.
