بیرلشگن ملت‌لر تشکیلاتی نینگ باله‌لردن حمایت قیلووچی صندیغی یا-ده یونیسف ینگی بیر گزارش‌ده ایتگن که، افغانستان ده یوز بیرگن سونگی زلزله نتیجه‌سیده، ۱۹۰مینگ باله شامل ۳۶۲ مینگ کیشی زیان کورگن. مذکور گزارش اساسیده، اوشبو باله‌لر آره‌سیدن ۱۵۵ باله هلاک و ۲۵۰ گه یقین باله ایسه یره‌لنگن.
یونیسف گه کوره، پکتیکا و خوست ولایت‌لریده یوز بیرگن سونگی زلزله نتیجه‌سیده، اویلر، ساغلیق مرکزلر، مکتب‌لر، سوو ییتکزه‌دیگن سیستم‌لر و باشقه کیره‌کلی آستقورمه‌لردن قطاری تخریب بولگن.
بیزلرنینگ توییترده هم تعقیب قیلینگ!
گزارش‌ده کیلگن که: «اوتگن آی افغانستان ده یوز بیرگن زلزله عاقبتیده زیان کورگن ۱۹۰۰۰۰دن آرتیق باله گه عاجل یاردم ارایه قیلیش اوچون یونیسف او ییرده ایدی. شریک‌لریمیز نینگ همکارلیگی بیلن باله‌لر نی قوتقریش اوچون تجهیزات و ساغلیق امکانیت ترقه‌تیش گه ادامه بیره‌میز.»
باشقه بیر تامان‌دن بیرلشگن ملت‌لر تشکیلاتی نینگ باله‌لردن حمایت قیلووچی صندیغی تاکید قیلگن که، ۱۲ مرکز و ۹ سیار ساغلیق تیم آرقه‌لی پکتیکا و خوست ولایت‌لریده ساغلیق خذمت‌لر نی ارایه قیله‌دی.
عین‌حالده، پکتیکا ولایتی نینگ برمل و گیان تومن‌لریده‌گی یشاوچیلردن قطاری نینگ سلام‌وطندار گه ایتیش‌لریچه، اوشبو تومن‌لرده باله‌لردن کوپ قطاری نینگ ساغلیق وضعیتی خواطرلی دیر.
اولر گه کوره، سونگی زلزله‌دن کیین اولر نینگ ایچیم‌لیک سوولری افلاسلنگن و انه شوو سبب، باله‌لردن قطاری اسهال گه چلینگنلر. اولر باله‌لر ساغلیگی خصوصیده‌گی قیین‌چیلیکلر نینگ تیزلیککه حل بولیشی نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
پکتیکا نینگ برمل تومنی یشاوچیلردن بیری افسرخان نینگ سلام‌وطندار گه ایتیشیچه: «کوپ نرسه‌لر گه احتیاجی‌میز بار. بو کون‌لر سوولر ناپاک و مکروبی بولگن و انه شوو سبب، باله‌لردن کوپ قطاری کسل بولگن که بیزلر کوپ قیین‌چیلیکده قرار تاپگن‌میز.»
شونینگدیک پکتیکا نینگ گیان تومنی یشاوچیلریدن بیری حاجی بخت‌الله نینگ ایتیشیچه: «زلزله باله‌لردن کوپ قطاری گه تاثیر قیلگن و برچه نرسه‌میز نی خراب قیلگن. اویی‌میز نی خراب قیلگن و بیزلر یاردم گه احتیاجی‌میز بار. تیزلیککه مکتب‌لر و بعضی تخریب بولگن بنا‌لردن قطاری نینگ قیته قوریش‌لری کیره‌ک.»
بوتوغریده اسلامی امارت ساغلیق نی سقلش وزیرلیگی نینگ فکری نی آلیش ایسته‌دیک؛ بیراق اوشبو وزیرلیک سوزلاوچیسی قونقیراغ‌لریمیز گه جواب قیترمه‌دی.
یونیسف زلزله عاقبتیده عایله‌لردن قطاری نینگ قربان بولگنی، ایچیم‌لیک سوو و باش پناه یوقلیگی باله‌لر نینگ قیین‌چیلیک‌لریدن دیگن. شونینگدیک بوندن آلدین باله‌لردن حمایت قیلووچی بیر موسسه زلزله‌ده زیان کورگن باله‌لر نینگ روحی و روانی وضعیت‌لری نینگ خواطرلی دیگن ایدی.
