طبیعی حادثه‌لر گه قرشی کوره‌ش وزیرلیگی مسئوللری ایکی هفته آلدین پکتیکا و خوست ولایت‌لریده یوز بیرگن زلزله عاقبتیده تخریب بولگن اوی‌لر نینگ قیته قوریلیشی اوچون ینگی بیر کمیته ایجاد بولیشیدن خبر بیرگن.
طبیعی حادثه‌لر گه قرشی کوره‌ش وزیرلیگی معینی شرف‌الدین مسلم، کابل ده یولگه قوییلگن خبری بیر ییغین‌ده ایتیگن که، ایکی هفته آلدین پکتیکا و خوست ولایت‌لریده یوز بیرگن زلزله عاقبتیده کمیده ۱۸ مینگ یشش اوی تخریب بولگن.
بیزلرنینگ توییترده هم تعقیب قیلینگ!
جناب مسلم نینگ کوپه‌یتیریشیچه، زیان کورگنلر گه عاجل شکلده یاردم بیریلیشی کیره‌ک. اونگه کوره، سونگی زلزله عاقبتیده زیان کورگنلر ۲۵ مینگ خیمه گه نیازلری بار.
باشقه بیر تاماندن، افغانستان سوداگرلیک و سرمایه یاتقیزووچی اتاق مسئوللری پکتیکا و خوست ولایت‌لریده زیان کورگنلر گه یاردم بیریش اوچون تیارگرلیکلری نی بیلدیرگنلر.
اوشبو خبری ییغین‌ده صناعت و سوداگرلیک اتاقی عضوی خان جان الکوزی نینگ ایتیشیچه، اوشبو نهاد زلزله عاقبتیده زیان کورگنلر گه کمیده ۳۰ میلیون افغانی نی نظر گه آلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، زلزله عاقبتیده زیان کورگنلر گه اختصاص بیریلگن پول‌لردن ۱۳ میلیونی طبیعی حادثه‌لر گه قرشی کوره‌ش وزیرلیگی نینگ اختیاری گه قرار بیریلگن.
پکتیکا، پکتیا و خوست ولایت‌لریده زلزله یوز بیرگنیدن کیین، اوشبو ولایت یشاوچیلری گه کوپینچه زیان ییتیشگن که ایچکی و تشقی نهاد‌لر زیان کورگنلر گه یاردم بیریش مقصدی‌ده کوپینچه انسان‌دوستلیک یاردم‌لر نی اختصاص بیرگنلر.
