مملکت جنوب ولایت‌لریده زلزله یوز بیرگنیدن بیر هفته اوتگنیدن کیین، زیان کورگن عایله‌لردن قطاری نینگ ایتیش‌لریچه، باله‌لری روحی و روانی قیینچیلیکلر گه روپه‌ره بولگنلر.
اولر گه کوره، باله‌لر زلزله یوز بیرگنیدن کیین، شدت‌لی بیر شکلده قورقگنلر و کون اوتیشی بیلن اولر نینگ قورقوو و تشویش‌لری کوچه‌یشی ممکن. زیان کورگن عایله‌لر نینگ سلام‌وطندار گه ایتیش‌لریچه، شونینگدیک باله‌لری کیچه تامان اویقوده قورقیش یا-ده اویقو‌سیزلیککه چلینگنلر.
اوتگن هفته پکتیکا ولایتیده یوز بیرگن زلزله عاقبتیده عایله‌لریدن کوپ قطاری نی قولدن بیرگن حسین و حکمت‌الله نینگ ایتیش‌لریچه، اوشبو زلزله نینگ مالی زیان‌لری یانیده، شونینگدیک روحی و روانی زیان‌لر هم ییتیشگن دیر.
بیزلرنینگ توییترده هم تعقیب قیلینگ!
حسین نینگ ایتیشیچه: «باله‌لریمیز گه منفی تاثیر قوییگن دیر، اولر کیچه تامان اویقوده قورقیب توره‌دیلر.»
شونینگدیک حکمت‌الله نینگ ایتیشیچه: «باله‌لر کوپینچه قیین‌چیلیک بیلن دوچ کیلگنلر. باله‌لر یانیده، کیکسه‌لر هم قیینچیلیکلر بیلن روپه‌ره‌لر، اولر هم قورقه‌دیلر.»
پکتیکا عامه ساغلیق نی سقلش ریاست رئیسی باله‌لر یانیده روحی و روانی قیینچیلیکلر اورته گه کیلگنی نی تصدیق‌لب، بیراق ایتیشیچه، زیان کورگن باله‌لر اوچون مشاوره بیریش خذمت‌لری فراهم بولگن.
شونده‌ی بیرحالده، پکتیکا ده دنیا ساغلیک تشکیلات مسئولی نجیب‌الله نینگ ایتیشیچه، اوشبو نهاد حاضرگچه زیان کورگنلر اینقیسه باله‌لر اوچون مشوره بیریش برنامه‌لر نی نظر گه آلمه‌گن.
اونینگ کوپه‌یتیریشیچه: «زیان کورگنلر کوپینچه قیین‌چیلیک بیلن روپه‌ره بولگنلر، باله‌لر و عیال‌لر یانیده روانی تکلیف‌لر کوپه‌یگن دیر. کلینیک‌لرده اولر گه خاص برنامه‌لریمیز هم یوق. مکتب و مدرسه هم اولر گه لذت‌بخش ایمس، اوی‌لری یوق، آته‌لری شهید بولگن.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، روان‌شناس‌لردن قطاری زلزله عاقبتیده روانی زیان کورگنلر خصوصیده ایتیش‌لریچه، زیان کوره‌دیگن قشر صفتیده باله‌لر قورقوو، تشویش و افسرده‌گی گه چلینه‌دیلر.
بوتوغریده روان‌شناس‌لردن عصمت‌الله هاشمی نینگ سلام‌وطندار گه ایتیشیچه: «راحت‌لیک و آرامش نی قولدن بیره‌دیلر؛ چونکه اوزلری گه کنترول‌لری یوق. روح و روان‌لری گه یامان تاثیر قویه‌دی.»
باله‌لر نی قوتقریش موسسه زلزله عاقبتیده زیان کورگن باله‌لر خصوصیده هشدار بیرگنی بیرحالده، اوشبو بیانات مطرح بولگن. اوشبو موسسه ایتگن که، زلزله یوز بیرگنیدن کیین، باله‌لر روحی و روانی قیینچیلیکلر گه دوچ کیلگنلر.
