اسلام امیرلیگی ساغلیقنی سقلش وزیرلیگی، اوتگن کیچهدهگی زلزله عاقبتیده کابلده بیر یشش اوی قولهگنینی بیلدیردی.
اوشبو وزیرلیک سوزلاوچیسی شرافتزمان امرخیل، بوگون (۱۵ حمل/۴ اپریل، شنبه) ایکس صحیفهسیده، بگرامی تومنی حدودلریگه قرهشلی «گوسفند دره» منطقهسیده بیر یشش اوی قولهگنینی معلوم قیلدی.
امرخیل گه کوره، اوشبو واقعه طفیلی ۸ کیشی اولگن و فقط ایکی یاشلی بیر باله تیریک قالگن.
ساغلیقنی سقلش وزیرلیگی سوزلاوچیسی، زلزله طفیلی قربان بولگنلرنینگ جسدلری عدلی طب و تیریک قالگن باله ایسه کسلخانه گه آلیب باریلگن.
اوتگن کیچه، ساعت ۸:۴۰ اطرافیده کابل و مملکتنینگ بعضی حدودلریده زلزله یوز بیردی.
