بیرلشگن ملتلر تشکیلاتینینگ انسانسیورلیک یاردملرینی موافقلشتیروچی ادارهسی افغانستان بولیمی (اوچا)، اوتگن ییلی افغانستان شرقیده یوز بیرگن زلزلهدن جبرلنگن ۱۳۴ ته قیشلاقده ییتی مینگ عایله گه یاردم بیریش اوچون ینهده کوپراق بودجه کیرهکلیگینی معلوم قیلدی.
اوچا، بوگون (۹ سنبله/۳۱ آگست، دوشنبه)، افغانستان شرقیده یوز بیرگن زلزلهدن بیر ییل اوتیب یوزلب عایله حلی هم آوارهلیک وضعیتده آغیر شرایطده یشهیاتگنینی بیلدیردی.
مذکور نهادنینگ کوپهیتیریشیچه، اساسی خذمتلر و تیریکچلیک امکانیتلرینی تأمینلش، شونینگدیک، زلزلهدن جبرلنگنلرنی قوللب-قوتلش اوچون کوپراق و عاجل یاردم ضرورلیگینی قوشیمچه قیلگن.
اوچا گه کوره، عایلهلرنی خیمهلردن دایمی تورر جایلر گه کوچیریش جریانی دوام ایتماقده، بیراق جبرلنگن عایلهلرنینگ احتیاجلرینی تأمینلش اوچون موجود یاردم مقداری ییترلی ایمس.
ایسلهتیب اوتهمیز، اوتگن ییلی سنبله آییده آلتی درجهدن یوقاری ریشترلی زلزله افغانستان شرقی حدودلرینی قیمیردتدی و اونینگ نتیجهسیده ایکی مینگدن آرتیق کیشی قربان بولدی، اوچ مینگدن آرتیق کیشی ایسه یرهلندی و یوزلب تورر جای ویرانه گه ایلندی.
