مملکت نینگ جنوب_شرق ولایت‌لری خوست و پکتیکا ده اوتگن کیچه یوز بیرگن زلزله نتیجه‌سیده ۲۸۰ کیشی هلاک بولیب و تخمیناً ۶۰۰ کیشی یره‌لنگن.
باختر دولت آژانسی نینگ معلوماتی اساسیده، پکتیکا ولایتی زیروک، برملی و گیان تومن‌لریده زلزله باعث ۲۵۵ کیشی هلاک بولیب و قریب ۵۰۰ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
شونینگدیک باختر دولت آژانسی گه کوره، خوست ولایتی سپیری تومنی «افغان دوبی» منطقه‌سیده اوتگن کیچه یوز بیرگن زلزله ده ۲۵ کیشی قربان بولیب و باشقه ۹۵ کیشی یره‌لنگن.
عین‌حالده، خوست و پکتیکا ولایت‌لری یشاوچیلری نینگ سلام‌وطندار گه ایتیشلریچه، اوتگن کیچه ده‌گی زلزله ده آغیر مالی زیان کوریب و کوپ قربان‌لیک بیرگنلر.
مذکور ولایت‌لر نینگ یشاوچیلری گه کوره، دیوارلر آستیده قالگنلرنی چیقریش اوچون سعی و حرکت قیلماقده‌لر و بیر قطار یره‌دارلر ولایتی کسلخانه گه انتقال بیریلگن.
پکتیکا محلی مسئوللری نینگ ایتیشلریچه، یاردم بیرووچی تیم‌لر و اداره‌لر مسئوللری ولایت مرکزی دن واقعه محلی گه ییتیب بارگن و زیان کورگنلر گه تیزلیک بیلن یاردم بیریلیشی ممکن.
بیزلرنینگ توییترده هم تعقیب قیلینگ!
اوتکن کیچه ساعت ۱:۳۰ اطرافی ده مملکت نینگ بیرقطار ولایت‌لریده قتیق زلزله یوز بیردی. اوشبو زلزله قدرتی۶.۱ درجه ریشتر اندازه‌گیرلیک بولیب و مرکزی خوست ولایتی نینگ جنوب_شرقی ۴۴ کیلومترلیگی دییلگن.
