افغانستان بوییچه بیرلشگن ملتلر تشکیلاتی نینگ خاص نماینده‌سی دیبرا لاینز، افغانستان ده قیش موسمی ده انسانی فاجعه یوزبیریب و بو فاجعه کتته جانی تلفات گه سبب بولیشی توغریسیده آگاه‌لنتیرگن.
خانم لاینز بیرلشگن ملتلر تشکیلات مرکزیده خبرچی‌لر بیلن اوتکزگن صحبتیده ایتیشیچه، اوشبو وضعیت‌دن چیقیش اوچون تیزلیککه بیر یول تاپیلیشی کیره‌ک.
بیرلشگن ملتلر تشکیلاتی خاص نماینده‌سی نینگ کوپه‌یتیریشیچه، افغانستان اقتصادی نابود بولیش خطری بیلن روپه‌رو دیر و دنیا مملکت‌لری افغانستان نی اونوتمه‌یش‌لری کیره‌ک.
بیرلشگن ملتلر تشکیلاتی نینگ اوشبو مسئوللی گه کوره، منطقه مملکت‌لری و افغانستان قوشنی مملکت‌لری بیرلشگن ملتلر تشکیلاتی نینگ حمایتی بیلن افغانستان یشاوچی‌لری نینگ نجات بیریش اوچون «بویوک اوزگریش» ایجاد قیله آله‌دی.
بیزلرنینگ فیسبوک صحیفه‌میزگه باش اورینگ!
دیبرا لاینز نینگ ایتیشیچه، بیرلشگن ملتلر تشکیلاتی افغانستان اوقووچی‌لری و ساغلیک ایشلاوچی‌لری نینگ معاش‌لرینی توله‌نیشی اوچون، سعی و حرکت قیلماقده.
ایکی کون آلدین اسلامی امارت تشقی ایشلر وزیری امیرخان متقی، بیرنامه آرقه‌لی آمریکا کانگرسی‌دن افغانستان نینگ باغلنگن سرمایه‌لری نی آزاد قیلینیشی نی سوره‌گن ایدی. بیراق افغانستان بوییچه آمریکا خاص نماینده‌سی توماس ویست اوشبو نامه گه جواب ایتیشیچه، کابل سقوط قیلمه‌سیدن آلدین، آمریکا طالبان حربی یولدن قدرت نی آلگن صورتده، یاردم‌لری نینگ کیسیلیشی ممکن دیگن ایدی.
