بیرلشگن ملتلر تشکیلاتی نینگ انسان دوستلیک بولیمیدهگی اورین باسری مارتین گریفیتس، افغانستان نینگ جدی آچلیک خطری بیلن روپهره بولیشیدن آگاهلنتیرگن.
بیرلشگن ملتلر تشکیلاتی نینگ انسان دوستلیک بولیمیدهگی اورین باسری نینگ آسوشتید پرس کوندهلیگی گه ایتیشیچه، افغانستانده ۵ یاشردن قویی بولگن بالهلردن یریمی سوءتغذیۀ خطری بیلن روپه ره بولگنلر.
اونینگ ایتیشیچه، دنیا غذایی برنامهسی حاضرده افغانستانده ۴ میلیون کیشی گه آذیق-آوقات تیارلهیدی، لیکن بیرلشگن ملتلر تشکیلاتی نینگ تیکشیریشلریگه کوره، قیش موسومیده اقتصادی ضعفلر سبب، بو رقم نی ۳ برابر بولیشی ممکن.
جناب گریفیتس، اروپا مملکتلری و آمریکا قوشمه ایالاتیدن افغانستانده رواجلنتیریش خصوصیده هزینه قیلهدیگن پوللرنی انسان دوستلیک برنامهلرگه بیریشلرینی سورهگن.
عینحالده، مالیه وزیرلیگی اوتگن کونی خلق ارا جماعهسیدن افغانستان مرکزی بانکی نینگ توختهتیلگن پوللرینی آزاد قیلیشینی سورهگن ایدی.
افغانستان اقتصادی نقطهنظردن یمان وضعیتگه قرار تاپگن بیر حالده، بو موضوعلر مطرح ایتیلهدی.
ایتیلیشیچه، افغانستانده طالبان گروهی حاکم بولگنیدن سونگ، یشاوچیلردن کوپقطاری شغللرینی قولدن بیریب و قیش موسومی عرفهسیده مملکت یشاوچیلریدن یریمی آچلیک خطری بیلن روپهره بولگن.