بیرلشگن ملتلر تشکیلاتی نینگ انسان حقلری کینگشی، بوگون افغانستان ده انسان حقلری وضعیتی توغریسیده شاشلینچ جلسه یولگه قویدی.
بیرلشگن ملتلر تشکیلاتی نینگ شاشلینچ ییغینی یولگه قوییلگن بیرحالده، یاردم بیرووچی نهادلر افغانستان ده انسان حقلری وضعیتی یمانلنگنیدن خبر بیریشگن.
بیرلشگن ملتلر تشکیلاتی ده افغانستان دایمی نمایندهسی غلام محمد اسحاقزی، مذکور تشکیلات انسان حقلری کینگشی ده طالبان نینگ اقداملری توغریسیده ایتیشیچه، دنیا بو گروه عملکردی دن نظارت قیلماقده و اولر انسان حقلری نقض ایتیلیشی نی کورستهدیگن اقداملردن قول تارتیشی کیرهک.
بیزلرنینگ فیسبوک صحیفهمیزگه باش اورینگ!
بیرلشگن ملتلر تشکیلاتی ده افغانستان دایمی نمایندهسی نینگ هشدارلنتیرووچی بیاناتی یانیده، اروپا بیرلیگی نینگ نمایندهلری هم طالبان نی آگاهلنیترگن.
اروپا بیرلیگی نینگ نمایندهلری بو تشکیلات انسان حقلری کینگشی ده ایتیشیچه، تینچاهالی گه قرشی بو گروه نینگ تخلفاتی تیکشیروو آستیده دیر.
بیرلشگن ملتلر تشکیلانی نینگ انسان حقلری کینگشی، افغانستان ده انسان حقلری نقض ایتیلگنی نی قبول قیلینمهیدیگن دیب و اعلام قیلیشیچه، افغانستان یشاوچیلریدن یوز مینگلرچهسی طالبان قورقیشی دن مملکتلرینی ترک قیلماقده.