بیرلشگن ملتلر تشکیلاتی نینگ خوفسیزلیک کینگشی بیر اعلامیه ترقه‌تیش بیلن مملکتده طالبان تامانیدن زوروانلیکلر کمه‌یتیریلیشی نی سوره‌گن. مذکور کینگش اوتگن کون نشر قیلگن اعلامیه‌ده طالبان تامانیدن زوروانلیک‌لری کوپه‌یشی، تینچ‌اهالی تلفاتی و آتیشمه‌لرنینگ تأثیری آستیده قرار تاپگن منطقه‌لرده انسان حقلری جدی شکلده نقض ایتیلگنیدن جدی شکلده خواطر بیلدیریب و افغانستان ده اوروش توخته‌تیلیشی نی سوره‌گن.
بیرلشگن ملتلر تشکیلاتی نینگ خوفسیزلیک کینگش اعضالری، هرات ده بیرلشگن ملتلر تشکیلاتی نینگ دفتری اوستیگه اویوشتیریلگن هجوم نی تأسف‌لی دیب و اورغولشیچه، تینچ‌اهالی، بیرلشگن ملتلر تشکیلاتی نینگ ایشلاوچی‌لری و بیرلشگن ملتلر تشکیلاتی نینگ بنالری گه قرشی قصدی هجوملر اوروش جنایتی گه ماس کیلیشی ممکن. بو کینگش نینگ ایتیشیچه، افغانستان ده اوشبو اوروش جنایت‌لری نینگ عامل‌لری محکمه قیلینیشی کیره‌ک.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی نینگ خوفسیزلیک کینگشی افغانستان ده تینچ‌اهالی اولدیریلگنیدن خواطر بیلدیریب ایتیشیچه، طالبان و افغانستان دولتی هر شرایط ده تینچ‌اهالی نینگ سقلش توغریسیده بولگن وعده‌لریگه عمل قیلیب و شونینگدیک خلق‌ارا انسان‌دوستلیک قانون‌لرگه حرمت بیریش‌لری کیره‌ک.
- افغانستان خبرچی‌لری نینگ جانی سقله‌نیشی توغریسیده بیرلشگن ملتلر تشکیلاتی گه یوباریلگن نامه
- بیرلشگن ملتلر تشکیلاتی: افغانستانده زوروانلیک کمه‌یتیریلیشی اوچون فشارلرنی دوام قیلیشی کیره‌ک
- بیرلشگن ملتلر تشکیلاتی افغانستان وضعیتی توغریسیده قطع‌نامه تصویب قیلدی
- یوناما حربی هجوملر باعث انسان حقلری نقض ایتیلیشی توغریسیده جدی خواطر بیلدیرگن
باشقه بیر تاماندن بیرلشگن ملتلر تشکیلاتی نینگ خوفسیزلیک کینگش اعضالری دولت و طالبان دن سیاسی ییچیم یول و آتیش کیسین گه قول تاپیش اوچون افغانستان رهبرلیگی و مالکیتی گه بولگن تینچلیک پروسه‌سیگه معنالی بیر شکلده شرکت قیلیش‌لرینی سوره‌گن.
بیرلشگن ملتلر تشکیلاتی نینگ خوفسیزلیک کینگشی، افغانستان قیینچیلیک‌لری نینگ هیچ قنده‌ی حربی ییچیم یولی بولمه‌گنی اوستیگه اورغولب و ایتیشیچه، اولر طالبان نینگ اسلامی امارتی احیالنیشیدن حمایت قیلمه‌یدی. شونده‌ی بیرحالده، زوروانلیکلر و طالبان هجومی کوپه‌یگن بیرحالده، افغانستان بیرلشگن ملتلر تشکیلاتی نینگ خوفسیزلیک کینگشی دن خاص بیر ییغین یولگه قوییلیشی نی سوره گن.
