اسلام امیرلیگی سوزلاوچیسی ذبیح‌الله مجاهد، افغانستان ده بیرلشگن ملتلر تشکیلاتی نینگ انسان پرور ۳۰ ایشلاوچیسی اولدیریلیشینی رد قیلگن.
اسلام امیرلیگی سوزلاوچیسی، اوشبو موضوع نی بوگون (یکشنبه، ۲۹ اسد)، افغانستان ده بیرلشگن ملتلر تشکیلاتی نینگ انسان پرورلیک یاردملری کاردیناتوری دانیل اندرس نینگ بیاناتی گه جواب ایتگن.
بیزلرنینگ فیسبوک صحیفه‌میزگه باش اورینگ!
دانیل اندرس، اوتگن کونی خلق‌ارا «انسان‌دوست‌لیک» کونی مناسبتی بیلن ترقه‌تگن ویدیو ده، افغانستان ده مذکور تشکیلات نینگ انسان پرور چمه‌سی ۳۰ ایشلاوچیسی هلاک بولگنینی معلوم قیلگن.
افغانستان ده بیرلشگن ملتلر تشکیلاتی نینگ انسان پرورلیک کاردیناتوری، ترقه‌تگن پیامیده کوپ سانده اوشبو ایشلاوچیلر، واکسیناتور و ماین تازه‌لاوچیلر دیر.
دانیل اندرس، افغانستان ده بیرلشگن ملتلر تشکیلاتی نینگ ایشلاوچیلری ایریم قیینچیلیک‌لر بیلن روپه‌ره بولیب و اولر برابریده‌گی تهدیدلر قبول قیلینمسلیگینی ایتگن.
اسلام امیرلیگی سوزلاوچیسی، افغانستان بویلب امنیت تأمین ایتیلیشی اوستیده تأکیدلب ایتیشیچه، غربی قطار دایره‌لر افغانستان برابری ده‌گی دسیسه‌لری بیلن اوشبو مملکت نی ناتینچ قیلیش مقصدیده سعی‌وحرکت قیلماقده‌لر.
بیزلرنینگ توییترده هم تعقیب قیلینگ!
ذبیح‌الله مجاهد نینگ سلام‌وطندار گه ایتیشیچه: «بیز بو موضوع نی رد قیله‌میز. افغانستان نینگ هیچ بیر بورچه‌گیده یاردم بیرووچی نهادلر و انسان حقلری ایشلاوچیلری ضرر کوریشی حقیده معلومات بیریلمه‌گن. حاضر اولکه بویلب خوفسیزلیک تأمینلنگن و برچه بو مسئله دن آگاه دیر.»
دانیل اندرس گه کوره، افغانستان ده انسان پرورلیک احتیاج‌لر کوپه‌یگن و ۲۹ میلیون کیشی تیز یاردم گه نیازمند دیر.
او نینگ ایتیشیچه، انسان پرور ایشلاوچیلر بولمه‌گن تقدیرده، میلیون‌لرچه کیشی ایریم قیینچیلیک‌لر بیلن روپه‌ره بولیش‌لری ممکن.
