رویترز کونده‌لیگی گزارش بیرگن که، طالبان بیرلشگن ملتلر تشکیلاتی گه بیر نامه یوباریش بیلن، سهیل شاهین نینگ مذکور تشکیلات‌گه اوز نماینده‌لری صفتیده معرفی قیلیب و تشقی ایشلر وزیرلیگی سرپرستی امیرخان متقی نینگ مذکور تشکیلات عمومی مجموع‌سیده نطق سوزلشی نی سوره‌گن.
رویترز کونده‌لیگی نینگ گزارشی‌گه کوره، اوشبو نامه جاری هفته دوشنبه کونی بیرلشگن ملتلر تشکیلاتی نینگ باش کاتبی آنتونیو گوترش‌گه یوباریلگن. تشقی ایشلر وزیرلیگی سرپرستی امیرخان متفی مذکور نامه نی امضا قیلگن. بیرلشگن ملتلر تشکیلاتی نینگ باش کاتبی سوزلاوچیسی فرحان حق، اوشبو نامه نی تایید قیلگن.
غلام‌محمد اسحاق‌زی بیرلشگن ملتلر تشکیلاتی ده سابق دولت نینگ دایمی نماینده‌سی ایدی. شونینگدیک او هم بوندن آلدین بو سمت گه قالیشی نی سوره‌گن ایدی. طالبان نینگ نامه‌سیده ایتیلیشیچه، اسحاق‌زی نی مأموریتی یکونلنگن و او افغانستان نماینده‌سی ایمس.
مذکور نامه اساسیده، اوشبو ایکی ایسته‌ک ۹ اعضاسی بولگن اعتبارنامه کمیته‌سی گه یوباریلگن. شونینگدیک مذکور کمیته گه آمریکا، چین و روسیه شامل دیر.
بیزلرنینگ فیسبوک صحیفه‌میزگه باش اورینگ!
رویترز نینگ یازیشیچه، بیرلشگن ملتلر تشکیلاتی نینگ عمومی مجموع‌سی یکونلنیشیدن آلدین مذکور کمیته جلسه تشکیل بیریشی بعید کورینه‌دی و شو یوزه‌دن مذکور تشکیلات عمومی مجمع‌سیده امیرخان متقی نینگ بیانات بیریشی نی احتمالی کم دیر.
اعتبارنامه کمیته تشکیل ایتیلگونگه قدر، اسحاق‌زی اوز سمتی گه قاله‌دی و او افغانستان نماینده‌لیگیدن بیرلشگن ملتلر تشکیلاتی نینگ عمومی مجمع‌سیده نطق سوزلشی ممکن.
طالبان ۲۴- اسد ده کابل نی تصرف قیلیب و ۱۶- سنبله سرپرست کابینه نینگ بیر بولیمی نی اعلام قیلدی. لیکن اولرنینگ حکومتی حاضرگچه رسمیت گه تانیلمه‌گن. مملکت‌لردن قطاری نینگ ایتیش‌لریچه، طالبان نی رسمیت گه تانیش اوچون عجله‌لری یوق.
