جوزجان حاکمی محمدهاشم رئیس نینگ سلام‌وطندارگه ایتیشیچه، طالبان جنگریلری ۱۶ یاشر «آی‌مامه» نام‌لی بیر قیزنی جنسی زوروانلیک آستیگه قرار بیرگنیدن سونگ، اولدیرگن. جوزجان حاکمی نینگ کوپه‌یتیریشیچه، اوشبو واقعه درزاب تومنیده یوز بیرگن و مذکور قیز نینگ آته و آنه‌سی حاضر ده طالبان نظارتی‌گه دیر.
عین‌حالده، جوزجان ولایتی نینگ قوش‌تپه تومنی یشاوچی‌لریدن بیرقطاری درزاب-قوش‌تپه و قوش‌تپه-جوزجان قتناو یولی‌نی ترافیک یوزیگه باغله‌گنلر. اولرنینگ آگاه‌لنتیریش‌لریچه، اولدیریلگن قیز نینگ جسدی و آته و آنه‌سی قوش‌تپه تومنی‌گه کیلتیریلمه‌گن صورتده، مذکور قتناو یول‌نی آچمه‌یدیلر.
جنسی زوروانلیک آستیگه قرار بیریلگن قیزنینگ ابه‌سی بابه‌الدین نینگ ایتیشیچه، طالبان نینگ «گرگ» گه تانیلگن مولوی قدرت‌الله نام‌لی قومندانی اجباری مهمان‌لیکدن سونگ، ایناغه‌سی نینگ قیزنی جنسی زورلگن. اونینگ کوپه‌یتیریشیچه، ایناغه‌سی نینگ قیزی ۲ یریم آی دن بویان نیچه مرته جنسی زوروانلیک آستیگه قرار بیریلگن و نتیجه‌ده اوتگن کیچه طالبان تامانیدن اولدیریلگن.
طالبان سوزلاوچیسی ذبیح‌الله مجاهد نینگ بوتوغریده سلام‌وطندارگه ایتیشیچه، اوشبو واقعه تیکشیریش آستیگه قرار تاپگن. اونینگ ایتیشیچه، مذکور قیز نینگ اولدیریلیشی طالبان گروهی گه تیگیشلی ایمس. جناب مجاهد نینگ ایتیشیچه، قدرت‌الله نام‌لی کیشی طالبان محکمه‌سی آستیگه قرار تاپگن و تیکشیریش‌لرنی دوامی بار، عیب‌لنگن کیشی بیلن شریعت گه کوره یول باریله‌دی.
