عیاللر وزیرلیگی مسئوللری کابل ده خبری بیر ییغین اوتکزیب ایتیش‌لریچه، جاری ییلده عیاللر برابریده‌گی زوروانلیک قضیه‌لر رقمی کوپه‌یگن.
عیاللر وزیرلیگی نینگ اورین باسری خانم سپوژمی وردک نینگ ایتیشیچه، عمومی شکلده عیاللر برابریده‌گی زوروانلیک رقمی اوتگن ییل گه نسبتن کمه‌یگن، لیکن یمان و جدی زوروانلیک رقمی کوپه‌یگن.
عیاللر وزیرلیگی نینگ اورین باسری گه کوره، اوتگن ییل ۵۱ جنسی زوروانلیک قضیه‌سی اوشبو وزیرلیککه قید ایتیلگن ایدی و جاری ییل ده ایسه ۵۹ جنسی زوروانلیک قضیه قید ایتیلگن.
مملکت عیاللر وزیرلیگی نینگ اورین باسری، ۲۵- نوامبر عیاللرگه قرشی زوروانلیک‌لرنی یوق قیلیش خلق‌ارا کونی مناسبتی بیلن بونده‌ی بیانات بیرگن.
انه‌شوحالده، ناتو تشکیلاتی هم عیاللرگه قرشی زوروانلیک‌لرنی یوق قیلیش خلق‌ارا کونی مناسبتی بیلن تویتر صحیفه‌سیده بیر اعلامیه ترقه‌تیب، افغانستان یشاوچیلری اینقسه افغان عیاللر نینگ امنیتی‌نی تأمین قیلیش اوچون مذکور مملکتدن حمایت قیلیشی نی بیلدیرگن.
ناتو نینگ ملکی ایلچیسی استیفانو پونتیکورور، توییتر صحیفه‌سیده یازیشیچه، افغانستانده کوپینچه کوچلی و کوره‌شچن عیال‌لرنی کورگن، لیکن افغانستان عیاللر اوچون مناسب و تینچ بیر ییر ایمس.
جناب پونتیکورو نینگ کوپه‌یتیریشیچه، عیاللرگه قرشی زوروانلیک‌لرنی یوق قیلیش خلق‌ارا کونیده، افغانستان عیاللری بیلن بیرگه بولگن و او عیاللر برابریده‌گی زوروانلیکلر و جزالنتیریش معافیتی نینگ اورته‌دن کیتیشی‌نی سوره‌گن.
افغانستان بوییچه بیرلشگن ملتلر تشکیلاتی نینگ اورین‌باسرلیک هیأتی یا-ده یوناما هم بیر اعلامیه آرقه‌لی، کرونا ویروسی باعث عیاللر برابریده‌گی زوروانلیکلر رقمی کوپه‌یگنیدن خواطر بیلدیرگن. اوشبو تشکیلات، کرونا ویروسی خاتین-قیزلر برابریده‌گی زوروانلیکلر رقمی کوپه‌یشی گه سبب بولگنی نی بیلدیرگن.
قوم و قبیله‌لر وزیرلیگی نینگ سرپرستی محب‌الله صمیم، عیاللر برابریده‌گی زوروانلیک نی یوق ایتیش نامیده بیر ییغین اوتکزیب ایتیشیچه، جاری ییلده عیاللرگه قرشی ۲ مینگ و ۵۸۲ زوروانلینک قضیه قید ایتیلگن و بو وضعیت نینگ آلدی آلینمه‌گن صورتده، جاری ییل اداغی گچه اوشبو رقمی ایکی برابر کوپه‌یشی ممکن.
هر ییل ۲۵- نوامبردن ۱۰- دسامبر گچه یعنی ۱۶ کون، عیاللرگه قرشی زوروانلیک‌لرنی یوق قیلیش خلق‌ارا کونی صفتیده نشانلنه‌دی. جاری ییلده‌گی عیاللرگه قرشی زوروانلیک‌لرنی یوق قیلیش خلق‌ارا کونی نینگ شعاری «بوتون دنیانی نارنجی قیلینگ: تمویل، جواب قیته‌ریش، آلدینی آلیش و توپلش» دیر.
