ایکی کون آلدین بدخشان یشاوچی‌لریدن بیرقطاری، ناتینچلیک، ایچیم‌لی سوو و برق یوق‌لیگی سبب، اعتراض بیلدیرگن‌لر، بیراق اوشبو اعتراض زوروانلیککه اوزگریب نتیجه‌ده اعتراضچی‌لردن ۳ ته‌سی هلاک و باشقه ۴۳ ته‌سی یره‌لنگن.

مذکور اعتراض نینگ زوروانلیک‌که اوزگریلگنی سبب، بوگون “پنجشنبه” بدخشان یشاوچی‌لریدن بیرقطاری نینگ کابلده خبری بیر ییغین اوتکزیب ایتیش‌لریچه، بدخشانده یوز بیرگن واقعه بشریت‌گه قرشی جنایت دیر.

شونینگدیک، جمهور ییسی غنی، مذکور واقعه‌نی تیکشیریش اوچون حقیقت‌لرنی تاپیش بیر هیات تعیین‌لنیشی خصوصیده بویروغ بیرگن.

جمهورلیک ریاستی مصلحتچی‌سی عبدالودود ثابت، محلی ارگان‌لر، ملی خوفسیزلیک کینگشی و ایچکی ایشلر وزیرلیگی نماینده‌لری و شونینگدیک، نماینده‌لر کینگشی اعضالری اوشبو هیات اعضالری جمله‌سیدن دیر.

بیراق، اوشبو اعتراضی ییغین‌نی یولگه قویگن‌لردن بیری کلیم‌الله هم‌سخن نینگ ایتیشیچه، مذکور هیات نینگ دولتی بولگنی سبب، بدخشان یشاوچی‌لری ایشانمه‌یدی.

اوشبو ییغینده اشتراک قیلگن‌لردن باشقه بیری مجیب ابراهیمی نینگ ایتیشیچه، بدخشان حاکمی ذکریا سودا نینگ چیکلنتیریلیشی چیککه‌سیده عدالی و قضایی نهادلرگه تانیتیلیشی کیره‌ک.

عین‌حالده، جمهورلیک ریاستی سوزلاوچی‌سی نینگ اورین باسری لطیف محمود نینگ سلام‌‎وطندارگه ایتیشیچه، حقیقت‌لرنی تاپیش کمیسیون حاضرگچه ایش‌گه باشلمه‌گن، لیکن اوشبو هیات مذکور واقعه‌نی تینیق شکلده تیکشیره‌دی.

اعتراضچی‌لرنینگ ایتیش‌لریچه، حکومت بدخشان حاکمی نینگ چیکلنتیریلیشی خصوصیده، دقت قیلمه‌گن صورتده، کینگ شکلده اعتراض‌لرینی دوام بیریش‌لری ممکن.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام