۱۴۰۲_تحصیلی ییل باشلنگنیدن بیر آی اوتماقده؛ بیراق حاضرگچه بدخشان نینگ اوزاق تومنلریدن اوشبو ولایت بیلیم یورتی گه یول تاپگن طلبهلردن قطاری نینگ ایتیشلریچه، یاتاقخانه ده جذب بولیش پروسهسی تینیق بولمسلیگی سبب، بدخشان مرکزی فیضآباد شهریده کرایی و معیارسیز اویلرده حیات کیچیریش گه مجبور بولگنلر.
بدخشان بیلیم یورتیدهگی طلبهلردن نجمان نینگ ایتیشیچه: «واسطهمیز یوق انهشوو دلیل دیر، چونکه لیلیهدهگی کیشیلرنی واسطهسی بار. مسافر و کمبغلمیز. آتهمیز کراچیهیدهب پول یوباریش گه مجبور دیر.»
شونینگدیک بدخشان بیلیم یورتیدهگی طلبهلردن باشقه بیری اسلم نینگ ایتیشیچه: «باشقه بیر ولایتدنمیز و واسطهمیز یوق. واسطهسی بولگن کیشیلر تیزلیک بیلن قبول قیلینهدی، بیراق اوزاق ولایتلردن کیلگن کیشیلر لیلیه گه آلینمهیدی. باشقه ولایتلردن کیلگن کیشیلر نینگ تانیشی بولمهگنی سبب، لیلیه گه آلینیشی اورنیده باشقه کیشیلر گه اولویت بیریلهدی.»
بیزلرنینگ فیسبوک صحیفهمیزگه باش اورینگ!
باشقه بیر تاماندن، اوتگن ییل کانکور سیناویده بدخشان بیلیم یورتی نینگ انگلیسچه تیل و ادبیاتی فاکولتهسی گه یول تاپگن مذکور ولایت نینگ زیباک تومنی یشاوچیسی حاتمبیک نینگ ایتیشیچه، یاتاقخانه گه یول تاپه آلمهگنی سبب، تحصیل قیلمهی زیباک تومنیده، اویی گه قیتیش گه مجبور بولگن دیر.
«اقتصادی قیینچیلیکلر سبب، اتاقلرده حیات کیچیره آلمهیمیز، انه شوو سبب قیته اویلریمیز گه کیتهمیز، چونکه اقتصادیمیز ضعیف دیر و تحصیل نی دوام بیره آلمهیمیز. بیر امید بیلن کیلگن ایدیم، بیراق لیلیه ده حیات کیچیره آلمسک مصرفلر کوپهیدی، قیغو بیلن لیلیهده بست تولگن دیدیلر. کوپ سعی و حرکت قیلدیم، بیراق بولمهدی.»
یاتاقخانه گه شامل بوله آلمهگن طلبهلر، بدخشان بیلیم یورتی مسئوللریدن یاتاقخانه گه جذب بولیش پروسهسی شفاف بولیشینی سورهیدیلر.
عین حالده، بدخشان بیلیم یورتی رئیسی قاضیزاده نینگ ایتیشیچه، طلبهلر یاتاقخانه گه شامل بولیش اوچون بیلیم یورتی رئیسلری تامانیدن، بیلیم یورت ریاستی گه معرفی بولگنلر.
بیزلرنینگ توییترده هم تعقیب قیلینگ!
جناب قاضیزاده نینگ کوپهیتیریشیچه، بدخشان بیلیم یورتی نینگ امکانیتلری آزلیگی سبب، شرایط گه ماس بولگن برچه طلبه نی یاتاقخانه گه شامل قیله آلمهیدیلر.
ایتیش کیرهک که، هر ییل بدخشان بیلیم یورتیدهگی طلبهلر، تحصیللرینی دوام بیریشلری اوچون یاتاقخانه و یخشی امکانیت یوقلیک قیینچیلیکلری بیلن روپهرهلر.