بدخشان بیلیم یورتی طلبه‌لریدن قطاری، تراویح نمازینی اوقیمسلیک اوچون اسلامی امارت کوچلری تامانیدن کلتکله‌نیش‌لری باعث اعتراض قیلگن‌لر. اولر نینگ ایتیشلریچه، اوتگن کیچه نماز اوقیگندن سونگ یاتاقخانه لری گه قیتیشگن ایکن‌لر که اسلامی امارت کوچلری، یاتاقخانه گه باستیریب کیریب و اولرنی کلتکله‌گن.
بدخشان بیلیم یورتی طلبه‌لریدن فهیم‌الله نینگ سلام‌وطندارگه ایتیشیچه، اوتگن کیچه اسلامی امارت کوچلری یاتاقخانه‌لری گه باستیریب کیریب و نماز اوقیمسلیک بهانه‌سیده اولرنی کلتکله‌گن.
بیزلرنینگ فیسبوک صحیفه‌میزگه باش اورینگ!
عین‌حالده، اوشبو اعتراض‌ده اشتراک قیلگن مذکور بیلیم یورت طلبه‌لریدن باشقه بیری احمد صامد گه کوره، اوتگن کیچه ساعت ۸:۴۰ اطرافیده، نماز اوقیگندن کیین یاتاقخانه گه قیتیب، آوقتله‌نیش و درس اوقیشی چاغیده، اسلامی امارت کوچلری تامانیدن کلتکلنگن.
طلبه‌لر نینگ ایتیشلریچه، بوگون اوشبو قضیه‌گه دایر ناراضی‌لیک بیلدیریشگن، بیراق اولر نینگ بو ناراضی‌لیک نمایشی اسلامی امارت کوچلری تامانیدن برهم اوریلگن. طلبه‌لر گه کوره، اسلامی امارت کوچلری قضیه گه باغلیق نماینده‌لریدن بیرقطاری‌نی ولایت مقامی گه چقیرگن‌لر؛ لیکن حاضرگچه نتیجه انیقلنمه‌گن.
بیزلرنینگ توییترده هم تعقیب قیلینگ!
بدخشان معلومات و مدنیت باشلیغی معزالدین احمدی اوشبو موضوع‌نی تصدیقلب، قضیه تیکشیریله یاتگنینی بیلدیره‌دی.
ایتیش کیره‌ک که، اسلامی امارت حاکمیت گه ایریشیدن کیین، اولکه فقرالری گه چیکلاولر یره‌تیلگن و امر معروف و نهی منکر وزیرلیگی، خاتین قیزلر و ایرکک‌لر نینگ کییمی خصوصیده کورستمه‌لر بیرگن.
