ملی دسترخوان برنامه‌سی نینگ ایشلاوچی‌لریدن اونلرچه‌سی بوگون ADA, SDO, COAR و WADAN نهادلری نینگ ۲ مینگ دن آرتیق ایشلاوچیسی نی معاشی بیریلمه‌گنی اوچون کابل ده ناراضلیک نمایش یولگه قویگن.
اعتراضچیلرنینگ ایتیش‌لریچه، اولر یمان بیر وضعیتده اهالی گه یاردم بیرگنلر، بیراق نیچه آیدن بویان حقوق‌لرینی قولگه کیلتیرمه‌گنلر. اولر اسلامی امارت مسئوللری و دنیا بانکی دن معاش‌لری نینگ بیریشی نی سوره‌شگن.
ملی دسترخوان برنامه‌سی نینگ ایشلاوچیسی لیلا نینگ ایتیشیچه، «بیزلر ۶ آیدن بویان ADA موسسه‌سیده ایش قیله‌میز، بیراق حاضرگچه معاش آلگن یوق‌میز. یالغیز بیر آی معاش آلدیک و کمیده ۵ آیلیک معاشی‌میز قالگن. بیزلر اسلامی امارت و دنیا بانکی نینگ مسئوللریدن معاش‌لریمیز نینگ بیریش‌لرینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
عین حالده، نهادلردن بیری ده ملی دسترخوان برنامه‌سی نینگ اویغونلشتیره‌دیگن فقیرمحمد فقیری نینگ سلام‌وطندارگه ایتیشیچه، بو ایشلاوچیلر ۴ آیدن بویان معاش‌لرینی قولگه کیلتیرمه‌گن و دنیا بانکی هر قچان بو پول نی اولرنینگ اختیاری گه قویگن پیتده، ایشلاوچی‌لرنینگ باشقه معاش‌لرینی بیریش گه تیارلر.
اعتراضچیلر نیچه ماده‌لیک بیر قطع‌نامه صادر قیلیش بیلن ایتیش‌لریچه، معاش‌لری بیریلمه‌گن صورتده، مذکور نهادلر دروازه‌لرینی باغلب و عدلی و امنیتی مرجع‌لرگه مراجعت قیله‌دیلر.
