روسیه رسمیلری، اوکرایننینگ تاتارستان حدودیگه قرهشلی «نیژنکامسک» شهریده صناعتی مرکزلر و آست قوریلمهلریگه اویوشتیرگن دران هجوملری عاقبتیده، چمهسی ۱۳ کیشی هلاک بولگن و ینه ۳۹ کیشی یرهلنگنینی اعلان قیلگنلر.
رویترز، بوگون (۱۹ اسد/۱۰ آگست، دوشنبه) ترقهتگن خبریده بو هجوم سونگی آیلرده اوکرایننینگ روسیه گه قرشی اینگ قانلی هجوملریدن بیری ایکنینی بیلدیرگن.
روسیه رسمیلرینینگ ایتیشیچه، اوشبو هجومده تانهکو قیته نفت ایشلب چیقروچی فابریکهسی هم ضربه کورگن.
تانهکو نفت ایشلب چیقروچی فابریکه میلادی ۲۰۲۴-ییلده جمعی شکلده قریب ۱۷ میلیون تُن خام نفتنی قیته ایشلب چیقرگن و ۲.۷ میلیون تُن پترول و ۸.۵ میلیون تُن دیزیل ایشلب چیقرگن ایدی.
اوکراین سونگی آیلرده روسیه نفت مرکزلریگه هجوملرینی آشیرگن. بو هجوملر روسیه ایریم حدودلریده یاقیلغی ماده تنقیصلیگیگه سبب بولگن.
