ناروی قاچقینلر کینگشیگه کوره، افغانستاننینگ هوا بحرانی همده اقتصادی و انسانسیورلیک قیینچیلیکلر بیلن روپهره بولگنی بیرحالده، ناتو گه اعضا مملکتلر اوشبو مملکت یشاوچیلری یانیده توختهش اوچون بیرگنلری جدی سوزلرینی اونوتگنلر.
اوشبو نهادنینگ بوگون (۱۹-اسد، دوشنبه)، بیر بیانیه آرقهلی یازیشیچه، قاچقینلرنینگ کینگ کولمی قیتیشی، اقلیمی شوکلر تکرارلنیشی و انسانسیورلیک یاردملرنینگ جدی شکلده کمهیشی، افغانستان دهگی جمعیتدن کوپینچهسیگه باسیم کیلتیریب و بو مملکتنینگ میلیونلب یشاوچیسینی تیریکچیلیک توغریسیده قیینچیلیک بیلن روپهره قیلگن.
ناروی قاچقینلر کینگشینینگ کوپهیتیریشیچه، بودجه تامینلنیشیده آرتیب بارهیاتگن بوشلیق سبب، انسانسیورلیک تشکیلاتلر کمبغل کیشیلر اوچون آزیق-آوقت، سوو، باشپنه و طبی خذمتلر کورسهتیلیشی بولیمیده یاردملرینینگ کمهیتیرگنلر.
بیانیهنینگ بیر بولیمیده کیلیشیچه، ناتوگه اعضا مملکتلر افغانستان ده تینچاهالینی اونوتگنلر. ناروی قاچقینلر کینگشی، افغانستان ده اوزاقمدتلی ییچیم یوللرنی قوللب-قوتلش اوچون ترقیاتی سرمایه یاتقیزیلیشلر کوپهیشی و بو مملکت یشاوچیلریدن ناتو گه اعضا مملکتلرنینگ حمایت قیلیشینی سورهگن.
