توقیز کون آلدین، جمعه ۸ میزان، کابل غربی قسمیده جایلشگن کاج تعلیمی مرکزی ده قانلی هجوم اویوشتیریلدی که اوشبو هجوم عاقبتیده ۵۳ کیشی هلاک بولیب و باشقه ۱۱۰ کیشی یره‌لندی.
مذکور هجوم ملی و خلق‌ارا کینگ واکنش‌لر گه روپه‌ره بولدی، ایکی کوندن بویان اوشبو واکنش‌لر کینگه‌یب و افغانستان خلقی هزارهلر قیرغینی توخته‌تیلیشی اوچون، اونلب مملکتده ناراضی‌لیک همایش اوتکزدیلر.
بوگون، اعتراضچیلر واحد قطعنامه صادر قیلیش بیلن، خلق‌ارا نهادلردن افغانستان ده هزارهلر نینگ قیرغینی خصوصیده تدقیقات قیلیش‌لرینی طلب قیلگنلر.
بیزلرنینگ فیسبوک صحیفه‌میزگه باش اورینگ!
ناراضی‌لیک همایش تشکیلاتچیلریدن بولمیش علی فولادوند نینگ ایتیشیچه، هزارهلر قیرغینی بیرلشگن ملت‌لر تشکیلاتی تامانیدن رسمیت گه تانیلیشینی ایسته‌یدیلر. اونگه کوره: «بو اعتراض‌لر قریب ۱۰۰ مملکتده واحد قطعنامه صادر ایتیلیشی بیلن یکونلندی و اعتراضچیلر زوروانلیک‌لر کمه‌یشی و هزارهلر قیرغینی بیرلشگن ملت‌لر تشکیلاتی تامانیدن رسمیت گه تانیلیشینی ایسته‌یدیلر.»
عین‌حالده، اعتراضچیلردن قطاری اوشبو اعتراض‌لر دوامی اوستیگه تأکیدلب ایتیشلریچه، هزارهلر قیرغینی بیرلشگن ملت‌لر تشکیلاتی تامانیدن رسمیت گه تانیلمه‌گونچه، یوللریدن قیتمه‌یدیلر.
اعتراضچی داوود ناجی نینگ ایتیشیچه: «برچه مملکت‌لردن آدم‌لر، اوشبو ناراضی‌لیک همایش‌لردن حمایت قیلدیلر و بو اعتراض‌لر دوام تاپیب و خلق‌ارا نهادلر بوتوغریده تدقیقات قیلیش‌لرینی ایسته‌یمیز.»
بیزلرنینگ توییترده هم تعقیب قیلینگ!
هزارهلر قیرغینی گه دایر افغانستان نینگ تورلی ولایت‌لری و دنیا مملکت‌لری ده‌گی ناراضی‌لیک همایش‌لر گه علاوه، اجتماعی ترماق‌لر ده جدی مناسبت‌لر گه روپه‌ره بولیب و کاج تعلیمی مرکزی نشانگه آلینیشیدن بویان stophazaragenocide هشتگی ۷ میلیون دن آرتیق تویت بولیب، دنیا بویلب فرهنگی و سیاسی سیمالردن قطاری بو هشتگ گه قوشیلگنلر.
