ایران‌ده افغان مهاجرلر نینگ کلتک‌لنگنی گه تیگیشلی اعتراض‌لر دوامی‌ده، افغانستان بیرله‌شیش اجتماعی تشکیلاتی بوکون ناراضلیک نمایش یولگه قوییب، اسلامی امارت و ایران‌دن افغانستان مهاجرلری نینگ قیینچیلیکلرینی سوزله‌شو آرقه‌لی حل قیلیشلرینی سوره‌گنلر.
اوشبو تشکیلات اعضالری و مسئوللری، افغان مهاجرلری بیلن ایران کوچلری نینگ ظلم و کلتک‌لری نی قاره‌لب ایتیشلریچه، افغانلر ایران‌ده ایرکین شکلده حیات کیچیره‌‌آلمه‌یدلر. اولر ایران دولتی‌دن افغان مهاجرلریدن آرقه‌داشلیک قیلیشلرینی سوره‌گن.
بیزلرنینگ فیسبوک صحیفه‌میزگه باش اورینگ!
مذکور تشکیلات اعضالری نینگ آگاه‌لنتریب ایتیشلریچه، افغانستان مهاجرلری نینگ ایران‌ده کلتکله‌نیشی دوام ایتگن صورتده، مسالمت آمیز اعتراضلریگه دوام ایتیشلری ممکن. «افغانستان اسلامی امارت و ایران اسلامی جمهورلیک دولت رسمی‌لریدن بیزلر نینگ قیین‌چیلیکلریمیز نی حل قیلیشلری اوچون مذاکره قیلیشلری نی ایسته‌یمیز.»
شونینگدیک، بوندن آلدین ایران‌ده بیر قطار افغان مهاجرلر نینگ کلتک‌لنگنلری برابریده کابل، هرات، خوست و بیرقطار ولایت‌لرده اعتراض قیلگنلر. ایران نینگ هراتده‌گی قنسولگرلیگی ایشیگی نی اوت بیریب ایران حکومتی‌گه قرشی شعار بیرگن ایدیلر، بولر برچه‌سی ایران نینگ افغانستانده‌گی نماینده‌لیکلری نینگ فعالیتی وقتینچه‌لیک توختهتیلیشیگه سبب بولدی.
عین‌حالده، حاضرهم افغان مهاجرلری ایران کوچلری نینگ نادرست مناست‌لریدن شکایت قیلیب ایتیشلریچه، ایرکین شکلده حیات کیچیره‌آلمه‌یدیلر.
بیزلرنینگ توییترده هم تعقیب قیلینگ!
شونده‌ی بیرحالده، ینگی‌لیکده اسلامی امارت مهاجرلر ایشلری بوییچه وزیرلیگی ایتگن که افغان مهاجرلری نینگ قیینچیلیکلری گه نقطه قوییش اوچون، قوشنی ممکت‌لر بیلن تورت تامانلمه ییغین اوتگزه‌دیلر.
اوشبو ییغین افغانستان، ایران، پاکستان و بیرلشگن ملت‌لرتشکیلاتی نینگ مهاجرایشلری بوییچه عالی کمیشنری اورته‌سیگه یولگه قوییلیشی ممکن. مهاجرلر و باش پناه ایزلاوچیلر ایشلری بوییچه وزیرلیگی مسیوللری نینگ ایتیشلریچه، اوشبو ییغین‌ده افغانستان مهاجرلر قیینچیلیکلری خصوصیده صحبت اوتکزیلیب و حل یول اختره‌لیشی اوچون قرار آلینگن.
