ایران نینگ کابل‌ده‌گی ایلچیخانه‌سی، بوگون (یکشنبه، ۲۱ حمل) بامداد چاغی توییتری‌ده بیر بیانیه ترقه‌تیب، ایکی مملکت آره‌سیده‌گی مناسبت‌لرنی بوزیش اوچون فتنه اویوشتیریله یاتگنیدن آگاه‌لنتیردی.
بیانیه‌ده کیلیشیچه، ایران‌لیک‌لر تامانیدن افغان مهاجرلری کلتکله‌نیشی خصوصیده اجتماعی شبکه‌لرده ترقه‌لگن ویدیولر، ایکی مملکت آره‌سیده‌گی مناسبت‌لرنی بوزیش اوچون ریجه‌لنتیریلگن بیر برنامه دیر.
بیانیه‌ده یازیلیشیچه: «ایران ایلچیخانه‌سی، ایکی مملکت مناسبت‌لرینی بوزیش اوچون جریانی بولگن فتنه و توطئه‌لردن آگاه‌لنتیریش‌گه علاوه، ایکی مملکت نینگ تاریخی و سابقه‌لی دوست‌لیگینی بوزیش وایران هراس‌لیک و افغان هراس‌لیک اوچون مجازی شبکه‌لرده ترقه‌لگن ویدیو کیلیپ‌لرنی ریجه‌لنتیریلگن برنامه عنوان قیلدی.»
بیزلرنینگ فیسبوک صحیفه‌میزگه باش اورینگ!
بو عین‌حالده، ایران‌ده افغان قاچقینچیلری بیلن یامان معامله قیلیش و اولرنی کلتکلش‌گه عاید گزارش‌لر، اولکه فقرالری نینگ قتیق عکس‌العمل‌لری گه روپه‌رو بولگن. اجتماعی شبکه‌لرده مملکت یشاوچیلریدن قطاری، ایران‌ده افغان مهاجرلری بیلن قنده‌ی معامله بولیش‌نی شفقت‌سیزلیک عنوان قیلیب قاره له‌گنلر.
مملکت یشاوچیلری نینگ ایتیشلریچه، تیل و فرهنگی مشترک بیر مملکتده افغان مهاجرلری کمسیتیلیب و کلتکله‌نیشی ینگی‌لیک ایمس و ییل‌لر بویلب افغان قاچقینچیلری ایران چیگره کوچلری نینگ یامان معامله‌لرینی تحمل قیلیب کیلماقده‌لر.
مملکت نینگ تانیقلی صنعتکاری فرهاد دریا، فیسبوک حسابی‌ده اعتراضی مکتوبی‌ده یازیشیچه، افغان قاچقینچیلریدن قطاری کمسیتیلیب، حقارت و روحی شکنجه گه قوشیمچه، جنسی زورلنیش گه دوچ بوله‌دیلر. فرهاد دریا ایران‌لیکلردن، اولر نینگ شفقت‌سیز و انسانیت سیزلیک سیاست‌لری، باشقه بیرقطاری نینگ عزت و آبروسی گه زیان ییتکیزمسلیک اوچون، یول قویمسلیکلرینی سوره‌گن.
فرهاد دریا نینگ اعتراضی مکتوبی‌ده کیلیشیچه: «بیر انسان و اوشبو سیاره فقراسی اوله‌راق، قنات‌لری سینگن و باش پناه‌سیز بو قوش‌لر برابریده‌گی شفقت‌سیز قیلمیش‌لرینگیزدن اویَلمه‌من. یخشی بیر قوشنی بوله آلمسک، یخشی بیر انسان بوله‌یدیک.»
بیزلرنینگ توییترده هم تعقیب قیلینگ!
باشقه تاماندن، افغانستان‌ده اجتماعی شبکه‌لر ایشلاوچیلریدن قطاری، ایران چیگره کوچلری افغان مهاجرلری برابریده شفقت‌سیز و نژاد پرست‌لیک قیلیش‌لرینی یازگن‌لر. شونینگدیک افغانستان نینگ ایران‌ده‌گی قاچقینچیلریدن قطاری، اوشبو مملکتده احوال‌لری چتاغ‌لیگیدن نالیب ایتیشلریچه، حقارت و کم‌سیتیلیش‌لری باعث آزاد بیر شکلده یوره آلمه‌یدیلر.
برچه‌سی بیلن اسلامی امارت قاچقینچیلر وزیرلیگی، افغانستان مهاجرلری بیلن ایران نینگ شفقت‌سیز مناسبت‌لرینی خلق‌ارا قانون-قاعده‌لر گه قرشی دیب ایتیشیچه، مهاجرلر نینگ وضعیتی یخشی‌لنیشی اوچون سعی-حرکت قیلماقده‌لر.
شونینگدیک اسلامی امارت تشقی ایشلر وزیرلیگی نینگ ایتیشیچه، افغان مهاجرلری بیلن ایران چیگره کوچلری نینگ شفقت‌سیز مناسبتی گه دایر، ایران نینگ کابل‌ده‌گی مسئول‌لریدن بیرقطارینی چقیرگنلر.
