اسلامی امارت سوزلاوچیلری نینگ اورینباسرلریدن بیری احمدالله وثیق توییتر صحیفهسیده اعلام قیلگن که، نیمروز نینگ کنگ تومنیده اسلامی امارت و ایران چیگره کوچلری آرهسیده یوزبیرگن آتیشمه یکونلنگن.
جناب وثیق نینگ یازیشیچه، مذکور آتیشمه جریانیده ایکی تامان گه تلفات ییتیشمهگن. اسلامی امارت سوزلاوچیسی نینگ اوشبو اورینباسری آتیشمه یوزبیرگنی توغریسیده آرتیق تفصیلات بیرمهگن.
اوتگن کون کیچ قورون نیمروز ولایتی نینگ چیگره نقطهسیده اسلامی امارت و ایران چیگره کوچلری آرهسیده آتیشمه باشلندی. نیمروز ده مردمی منبعلرنینگ ایتیشلریچه، اوشبو آتیشمه جریانیده ایکی تامان آغیر و ینگیل قورال دن فایدهلنگن.
شونینگدیک کابل ده ایران ایلچیخانهسی مذکور مملکت تشقی ایشلر وزیرلیگی سوزلاوچیسی سعید خطیبزاده دن نقل قیلیب توییتر ده یازیشیچه: «ایکی تامان چیگره کوچلری آرهسیدهگی جنجللر آتیشمه گه سبب بولدی که ایکی تامان چیگره کوچلری نینگ اویغونلیگی بیلن بو موضوع مدیریت بولیب و یکونلندی.»