کیله‌سی ایکی کونگچه کابل ده لویه جرگه کبی بویوک ییغین اوتکزیلیشی کوتیله‌دی. اوشبو موضوع گه دایر اجتماعی ترماق‌لرده ترقه‌لگن مکتوب گه بناً، مذکور ییغینده هر تومن اهالیسی نماینده‌لیگیدن ایکی دین عالمی و بیر بویوک قومی اشتراک ایته‌دیلر.
بیراق ایش بیلرمانلر نینگ ایتیشلریچه، اوشبو ییغینده اولکه خلقی نینگ واقعی نماینده‌لری اشتراک ایتیش‌لری کیره‌ک.
اسلامی امارت سابق عضوی سیداکبر آغا، اوشبو هفته ایچیده کابل ده بویوک ییغین اوتکزیلیشینی تصدیقله‌یدی، بیراق بو ییغین اعضالری تنله‌نیشی کیره‌ک دیدی.
بیزلرنینگ فیسبوک صحیفه‌میزگه باش اورینگ!
اونگه کوره، مذکور ییغینده اساسی قانون و سابق حکومت اعضالری نینگ اشتراکی خصوصیده بحث ایتیلیشی گه قوشیمچه، حکومت مخالف‌لری بیلن کیلیشوو اوستیگه بحث ایتیلیشی کوتیله‌دی. اونینگ ایتیشیچه: «ییغین اعضالری تنلنسه یخشی بولر ایدی، چونکه سابق لویه جرگه‌لر بیلن فرقلی دیر، سابق جرگه‌لر نینگ آتی یامان ایدی. اوتمیش جرگه‌لر بیلن فرقلی بولسه نتیجه بیریب و اهالی اونگه ایشانه‌دی.»
باشقه تاماندن، سیاسی ایش بیلرمان محب‌الله شریف، سابق لویه جرگه‌لرده حکومت نینگ اره‌لشیشیدن خواطر بیلدیریب ایتیشیچه، اوشبو ییغینده اشتراک ایته‌دیگنلر کیله‌سی حکومت قنده‌ی لیگی و باشقه موضوع‌لر گه دایر، آزاد بحث ایته آلمسلیکلری ممکن.
اونینگ ایتیشیچه، مذکور ییغینده آلینگن قرارلر عملی بولگن تقدیرده، ایجابی نتیجه بیریشی ممکن.
سیاسی ایش بیلرمان محب‌الله شریف گه کوره: «نجیب زمانیدن آلیب طالبلرگچه، مجاهدلردن آلیب جمهوریت توزومیگچه جرگه‌لرده آلینگن قرارلر، اساسی شکلده عملی بولمه‌گن و یالغیز ظاهری شکلده و اهالی نینگ توپلش مقصدیده قوللنیلگن. بو گَل بولیشیدن خواطرده میز.»
شونینگدیک، ایش بیلرمان و قوم بویوکی حمیدالله هوتک نینگ ایتیشیچه، حاضرگی شرایط ده برچه اهالی، بو گَل ییغین اوتکزیلیب و ایچکی توزوم مشروعیتی گه یاردم بیریشنی ایسته‌یدی.
بیزلرنینگ توییترده هم تعقیب قیلینگ!
اونگه کوره، مذکور ییغینده اساسی قانون، ملی بیرق و حکومت قنده‌ی لیگی بحث گه آلینیشی کیره‌ک.
حمیدالله هوتک نینگ ایتیشیچه: «لویه جرگه اوتکزیلیب و اهالی نینگ فکر_ملاحظه‌سی سوره‌لیب و بو ییغینده برچه اهالی نینگ اشتراکی بولگن صورتده، ایجابی نتیجه بیریشی ممکن و بیز ایسه اوندن حمایت قیله‌میز.»
عین‌حالده، اسلامی امارت ییغین اجنداسی، احتمالی مذاکره‌لر، اشتراک ایتووچیلر نینگ رویخطی و باشقه تیارگرلیکلر باره‌سیده حاضرگچه معلومات بیرمه‌گن.
ایتیلیشیچه، پل تخنیک بیلیم یورتی طلبه‌لری بوگوندن باشلب، ۱۲ سرطان گچه رخصت بولگنلر.
