افغانستان ده اسلامی امارت نینگ قدرت گه ایریشگنیدن کیین، اسلامی امارت مسئوللری هر دایم اوشبو مملکت وضعیتی نینگ یخشی‌لینیشی خصوصیده تاکید قیلیب و بو توغریده بیر قطار طرح‌لر ارایه قیلگنلر. بیراق آیلر اوتگنی بیلن، اسلامی امارت طرح‌لری حاضرگچه عمل گه آشیریلمه‌گن.
۶-صنف‌دن یوقاری قیز مکتب‌لری نینگ آچیلیشی، بویوک بیر ییغین نینگ یولگه قویلیشی، ملی پولیس یونیفورمی نینگ توزیع قیلینیشی و تیلنچیلر نینگ توپلنیشی خصوصیده‌گی طرح‌لر حاضرگچه عمل گه آشیریلمه‌گن. سیاسی ایش بیلرمانلردن قطاری نینگ ایشانچی گه کوره، اسلامی امارت سوزلری بیر شعار کبی قالگن و اولر اوشبو طرح‌لر نینگ عمل گه آشیره‌آلمه‌یدیلر.
بیزلرنینگ توییترده هم تعقیب قیلینگ!
سیاسی ایش بیلرمانلردن عبدالجبار اکبری نینگ سلام‌وطندار گه ایتیشیچه، اسلامی امارت سرپرست حکومتی، حاضرگی وضعیت نینگ یخشی‌لنیشی و سوزلری نینگ عمل گه آشیریلیشی گه تیگیشلی مملکت یشاوچیلری نینگ خواستینی عملی قیلمه‌گن.
اونینگ کوپه‌یتیریشیچه: «اهالی امارت نینگ اسلامی تیزیم بولگنی نی درک قیلیش اوچون اسلامی امارت تامانیدن ایش زمینه‌سی یره‌تیلیشی خصوصیده انتظاری بار ایدی. گرچند اولر سوزلری نی عمل گه آشیرگنلری نی ایته‌دیلر، بیراق هیچ بیری نینگ عملی جنبه گه ایگه بولیشی ممکن ایمس.»
سیاسی ایش بیلرمانلردن باشقه بیری هاشمی پروانی نینگ ایتیشیچه، اسلامی امارت تامانیدن بیریلگن سوزلر نینگ عمل گه آشیریلمه‌گنی، سرپرست حکومت نینگ ضرری گه دیر.
اسلامی امارت معارف وزیرلیگی قویاش ۱۴۰۰-ییل نینگ ۲۷- سنبله آییده بیر اعلامیه ترقه‌تیب، بوتون اوقووچیلردن مکتب گه باریشلری نی ایسته‌گن ایدی که مذکور کونده، ۶-صنف‌دن یوقاری قیز اوقووچیلر گه رخصت بیریلمه‌ی و بوتون مکتب‌لر نینگ آچیلیشی ۱۴۰۱-ییل گه تاپشیریلدی، لیکن ینه هم ۶-صنف‌دن یوقاری قیز اوقووچیلر گه رخصت بیریلمه‌دی.
- آمریکا: اسلامی امارت نینگ رسمیت گه تانیش اوچون شرطلر عملی بولیشی کیره‌ک
- رئیس‌الوزرا اورین باسری: رسمیت‌گه تانیلیش اوچون بوتون شرط لرنی تکمیل قیلدیک
- بلینکن ا.ا گه: قیزلر نینگ مکتب‌لری آچیلمسلیگی دنیا بیلن مناسبت لرینگیزگه زیان ییتکیزه‌دی
اوندن کیین، اسلامی امارت ۶-صنف‌دن یوقاری قیز مکتب‌لری نینگ آچیلیشی اوچون بیر کمیسیون ایجاد قیلیب و بیر طرح نی قولگه آلگنلریدن خبر بیرگن ایدیلر؛ لیکن حاضرگچه مکتب‌لر نینگ آچیلیشی خصوصیده هیچ بیر خبر یوق.
۱۱-صنف اوقووچیسی زحل، مکتب‌لر یاپیق قالگنی خصوصیده غضبلنیب و ایتیشیچه: «کمیده بیر ییل‌دن بیری قیزلر یوزیگه مکتب‌لر یاپیق قالگن، نیمه اوچون اسلامی امارت بیرگن سوزلری نی عمل گه آشیرمه‌یدی. نیچه مرته مکتب‌لر آچیلیشی خصوصیده سوز بیرگن، لیکن حاضرگچه سوزلری نی عمل گه آشیرمه‌گن.»
۳-جوزا رسانه‌لر، اسلامی امارت مملکت وضعیتی یخشی‌لنیشی اوچون، مملکت نینگ اونملی مسئله‌لری حقیده آواز بیریش ییغینی نی یا-ده لویه جرگه یولگه قوییلیشی خصوصیده گزارش بیرگن ایدی، لیکن اوشبو ییغین حاضرگچه یولگه قوییلمه‌گن.
شونده‌ی بیرحالده، ایکی آی آلدین تیلنچیلر نینگ توپلنیش طرحی و اوتگن هفته ایسه ملی پولیس یونیفورمی نینگ توزیع بولیش پروسه‌سی قولگه آلینگن ایدی، بیراق اسلامی امارت اوشبو زمینه بیرگن سوزلری نی عمل گه آشیرمه‌گن. اجتماعی ایشلری بوییچه ایش وزیرلیگی سوزلاوچیسی یونس صدیقی اوشبو طرح نینگ اجرا بولمه‌گنی نی قبول قیله‌دی.
بیزلرنینگ فیسبوک صحیفه‌میزگه باش اورینگ!
بوتوغریده ایچکی ایشلر وزیرلیگی و معارف وزیرلیگی سوزلاوچیلری سوراق‌لری‌میز گه جواب قیتریش اوچون حاضر بولمه‌دیلر. بیراق اسلامی امارت سوزلاوچی اورین‌باسرلریدن بلال‌کریمی نینگ سلام‌وطندار گه ایتگن که، اوشبو مرحله‌لر اجرا بولماقده.
اونینگ کوپه‌یتیریشیچه: «اسلامی امارت اهالی و ملتی اوچون قیین‌چیلیک یره‌تمه‌گن و فایده‌لی آدیم‌لر نی آله‌دی.» سرپرست حکومت طرح‌لر نینگ اجرا بولیشی خصوصیده تاکید قیلگنی بیرحالده، بیراق سوزلری نی قچان و مکمل شکلده عملی قیلیش‌لری نینگ بیللی بولیشی کیره‌ک.
