رویترز خبرگزارلیگی ایکی آمریکالیک ییریک رسمی دن نقل قیلیب گزارش بیریشیچه، بیر آمریکالیک هیأت قطر پایتختی دوحه‌ده، طالبان نینگ ییریک رسمی‌لری بیلن اوچره‌شیشی ممکن. آمریکالیک حربیلر افغانستان دن چیققنیدن کیین، بو بیرینچی یوزمه‌یوز سوزلشوو دیر که بوگون و ایرته دوحه ده یولگه قوییلیشی گه قرار قیلینگن.
آتی فاش ایتیلمه‌گن ایکی آمریکالیک رسمی نینگ رویترز گه ایتیشیچه، آمریکا خاص نماینده‌سی نینگ اورین‌باسری تام وست و آمریکا رواجلنتیریش اداره‌سی (USAID) نینگ انسان‌دوستلیک ییریک رسمی‌سی آمریکالیک هیأت ده موجود دیر.
دوحه سوزلشوولریده آمریکالیک هیأت نینگ رهبرلیک قیله‌دیگن، افغانستان تینچلیگی بوییچه آمریکا خاص نماینده‌سی زلمی خلیل‌زاد بو هیأت آره‌سیده موجود ایمس. شونینگدیک اسلامی امارت تامانیدن قطار کابینه اعضالری بو اوچره‌شووده حضور تاپیشی ممکن.
بیزلرنینگ فیسبوک صحیفه‌میزگه باش اورینگ!
رویترز نینگ گزارشی اساسیده، آمریکالیک هیأت مذکور مملکت یشاوچی‌لری و باشقه‌لرنینگ افغانستان دن تینچ بیر شکلده چیقیشی خصوصیده طالبان نینگ ایشانچ بیریشی و آمریکا نینگ اوغیرلنگن یشاوچیسی مارک فرریش نینگ قوییب یوباریش اوچون طالبان گه باسیم کیلتیریشی ممکن.
رویترز نینگ گزارشی اساسیده، اوشبو ییغینده طالبان بیرگن وعده‌لریگه پابند قالیب و افغانستان ترورچیلیک گروه‌لر اینیقسه القاعده نینگ تینچ اویه‌سیگه اوزگریشی اوچون رخصت بیرمه‌سلیک‌لری اوستیگه تأکید قیلینیشی ممکن.
رویترز نینگ ایتیشیچه، آمریکالیک هیأت طالبان دن انسان دوستلیک یاردم‌لرگه قول تاپیش نی آسان‌لشتیریش‌لرینی سوره‌شی ممکن؛ چونکه افغانستان جدی بیر فاجعه گه دوچ کیلگن و اقتصادی رکود نینگ آلدینی آلالمه‌سی ممکن.
آمریکا دولتی نینگ بیر ییریک رسمی‌سی رویترز گه ایتگن که، بو ییغین طالبان نینگ رسمیت گه تانیش و یا اولرگه مشروعیت بیریش اوچون ایمس، بلکیم هر قنده‌ی مشروعیت طالبان نینگ اوز اقدام‌لری آرقه‌لی قولگه کیلیشی کیره‌ک.
تشقی ایشلر وزیرلیگی سرپرستی امیرخان متقی، اوتگن کون اسلامی امارت دن بیر هیأت ییتکچیلیگیده دوحه کیتدی.
