قطر تشقی ایش‌لر وزیرلیگی سوزلاوچیسی نینگ فارین پالیسی مجله‌سی بیلن اوتکزگن صحبتیده ایتیشیچه، قطر، خلق ارا شریک‌لریدن طالبان حکومتی‌نی رسمیت‌گه تانیش‌گه عجله قیلمه‌یشینی سوره‌گن.
بیزلرنینگ فیسبوک صحیفه‌میزگه باش اورینگ!
لولوه رشید الخاطر نینگ تاکید قیلیشیچه، طالبان بیلن سازیش‌نی دوام قیلیشی کیره‌ک، لیکن سازیش اولر حکومت نینگ تصدیق‌لش معناسیگه ایمس.
قطر تشقی ایش‌لر وزیرلیگی سوزلاوچیسی، اسلامی امارت حکومتی نینگ هرتامانلمه بولمه‌گنی و قیزلرنینگ تعلیم دن محروم ایتیلیشیدن تنقید قیلیب و خلق ارا جماعه‌سیدن طالبان رهبرلیگی‌گه بولگن حکومت‌نی رسمیت‌گه تانیش اوچون بیللی بیر ریجه ارایه قیلیشی‌نی سوره‌گن.
اونینگ طالبان آره‌سیده جنجل‌لر موجود بولگنی‌گه اشاره قیلیب ایتیشیچه، یاشی یوقاری بولگن طالب‌لرنینگ عملکردلری عاقلانه دیر و اولر یاش نسل نینگ معیارلرنی رعایت قیلمه‌یشیدن خواطر بیلدیره‌دیلر.
عین‌حالده، سیاسی ایش بیلرمانلردن بیری مصطفا علی‌زاده نینگ ایتیشیچه، قطر افغانستانده اوز منفعتی‌نی دنبال قیله‌دی و قطر ایستک‌لرینی قبول قیلمه‌یدیگن افغانستان اوشبو مملکت تامانیدن قبول‌لنمه‌یدی.
اسلامی امارت مسوول‌لری بوتوغریده سلام‌وطندار سوراقلریگه جواب قیترمه‌گن.
بیزلرنینگ فیسبوک صحیفه‌میزگه باش اورینگ!
اسلامی امارت کابینه‌سی جاری ییل ۱۶ سنبله‌ده اعلان ایتیلدی، لیکن حاضرگه‌قدر هیچ‌بیر مملکت تامانیدن رسمیت‌گه تانیلمه‌گن. کانادا، دنمارک و ایتالیا مملکت‌لری، طالبان حکومتی‌نی هیچ‌بیر زمان رسمیت‌گه تانیمه‌یشی‌نی بیلدیرگن.
