بوگون “شنبه” طالبان ییریک رسمی‌لریدن بیری شهاب‌الدین دلاور، ساغلیق‌نی سقلش وزیرلیگی سرپرستی نینگ تانیتیش مراسمی‌ده ایتیشیچه، دنیا افغانستانده هرتامانلمه بیر حکومت‌نی ایسته‌یدی، لیکن دنیا فاسد، غاصب و اوغرلاوچی شمول حکومت فکریگه دیر. او، اسلامی امارت هرتامانلمه بولگنی اوستیگه تاکید قیله‌دی.
جناب دلاور نینگ کوپه‌یتیریشیچه، ۲۰ ییل آلدین آمریکا ترورچی‌لیککه قرشی کوره‌شیش اوچون افغانستان‌گه کیلگن ایدی؛ لیکن حاضرگهقدر هیچ بیر جنایتچی و تروریست آمریکالیکلر تامانیدن قولگه آلنیب یاـده اولدیریلمه‌گن.
بیزلرنینگ فیسبوک صحیفه‌میزگه باش اورینگ!
اونینگ آمریکا افغانستانده مغلوب بولگنی‌گه اشاره قیلیب ایتیشیچه، اسلامی امارت آمریکا و باشقه بیرقطار مملکت‌لر بیلن یخشی رابطه قوریش‌گه علاقمند دیر.
افغانستان نینگ طالبان قولیگه سقوط قیلگنیدن کمیده ۲ آی اوتماقده، بیراق حاضرگهقدر هیچ‌بیر مملکت طالبان حکومتی‌نی رسمیت‌گه تانیمه‌گن بیرحالده، اسلامی امارت اوشبو ییریک مقامی، اولرنینگ حکومتی هرتامانلمه بولگنی اوستیگه تاکید قیله‌دی
