خلق‌ارا کیچیریم تشکیلاتی ینگی گزارشیده افغانستان ده بشر حقوقی نقض ایتیلیشیدن خواطر بیلدیریب ایتیشیچه، اسلامی امارت اوتگن بیر ییل ده بشر حقوقینی نقض قیلگن. مذکور تشکیلات گه کوره، اسلامی امارت اوتگن بیر ییل ده بشر حقوقینی تیکشیریش مهم نهادلرنی یوق قیلیب و خاتین قیزلر نینگ اساسی حقوقینی سلب قیلگن.
خلق‌ارا کیچیریم تشکیلاتی اوشبو گزارشیده، اسلامی امارت دن بشر حقوقی گه حرمت قیلیشینی طلب قیلگن.
شو بیلن بیرگه، افغانستان نینگ منحل بولگن بشر حقوقی مستقل کمیسیونی اورین باسری نعیم نظری نینگ سلام‌وطندار گه ایتیشیچه، اسلامی امارت بشر حقوقی گه ارزش قایل بولمسلیگی باعث، اولر حاضرگه قدر رسمیت گه تانیلمه‌گن. او خلق‌ارا کیچیریم تشکیلاتی نینگ گزارشینی افغانستان ده بشری حقوقی نقض ایتیلیشیدن دلالت بیریشینی معلوم قیلدی.
بیزلرنینگ فیسبوک صحیفه‌میزگه باش اورینگ!
عین‌حالده، سلام‌وطندار بیلن صحبت اوتکزگن بشر حقوقی مدافعه‌چیلریدن قطاری، خلق‌ارا کیچیریم تشکیلاتی نینگ گزارشی خصوصیده ایتیشلریچه، اوشبو گزارش‌لر اسلامی امارت نینگ ایشلری اوستیگه هیچ قنده‌ی تأثیر قیلمه‌یدی. بشر حقوقی مدافعه‌چیلری نینگ کوپه‌یتیریشیچه، اسلامی امارت بو گَل گزارش‌لرنی کولگولی بیله‌دی.
بشر حقوقی مدافعه‌چیلری نینگ ایشانچی گه کوره، اوتگن بیر ییل ده اسلامی امارت نینگ قانون_قاعده‌لری گه اوزگریش کیلمه‌گن و بشر حقوقی رعایت ایتیلیشی گه دایر اسلامی امارت نینگ سیاستیده انعطاف پذیرلیک کوریلمه‌یدی. اولر افغانستان خاتین قیزلری نینگ کیله‌جگینی نامعلوم عنوان قیله‌دیلر.
بیراق بشر حقوقی مدافعه‌چیلریدن مسعوده کوهستانی، افغانستان ده خاتین قیزلر نینگ دادخواهی‌لیک و ناراضی‌لیکلرینی ارزشلی یوتوق‌لردن بیله‌دی. اونینگ ایشانچی گه کوره، عیاللر نینگ دادخواهی‌لیگی باعث، اسلامی امارت سرپرست حکومتینی حاضرگه قدر هیچ بیر مملکت رسمیت گه تانیمه‌گن.
شو بیلن بیرگه، عیال حقوقی فعاللریدن قطاری نینگ ایشانچی گه کوره، اوتگن بیر ییل ده آدم‌لر و دنیا جماعه‌چیلیگی افغانستان ده بشر حقوقی نقض ایتیلیشی گه گواه بولیب و عیاللر اوتگن ۲۰ ییل‌لیک یوتوق‌لرینی قولدن بیریش بیلن آرتگه قیتگنلر. عیال حقوقی فعاللری دنیا جماعه‌چیلیگیدن، اسلامی امارت آدم‌لر اینیقسه خاتین قیزلر نینگ خواهش_اراده‌سینی قبول قیلیش اوچون اولر اوستیگه باسیم کیلتیریشینی طلب قیله‌دیلر.
بیزلرنینگ توییترده هم تعقیب قیلینگ!
شو بیلن بیرگه، اسلامی امارت خلق‌ارا کیچیریم تشکیلاتی نینگ ینگی گزارشینی اساس‌سیز بیله‌دی. اسلامی امارت سوزلاوچیسی نینگ اورین باسری بلال کریمی اوشبو گزارش‌نی رد قیلیب ایتیشیچه، اولر افغانستان بوتون خلقی نینگ حقوقینی تأمینلشگن. جناب کریمی نینگ ایشانچی گه کوره، اسلام تیزیمیده مردم حقوقینی نقض قیلیش یوق دیر.
عین‌حالده، افغانستان بویلب اسلامی امارت حاکم بولیشیدن کیین، دنیا جماعه‌چیلیگی اسلامی امارت نی رسمیت گه تانیش شرط لریدن بیرینی بشر حقوقی رعایت ایتیلیشی دیگن. لیکن اسلامی امارت حاضرگه قدر اوشبو موضوع گه دایر دنیا همجمعیت نینگ قانیقتیره آلمه‌گن.
