افغانستان ژورنالیستلر ملی اتحادیه‌سی نینگ رسانه مسئولی مسرور لطفی، بوگون کابل ده خبری بیر ییغین اوتکزیب ایتیشیچه، اسلامی امارت مسئوللری بیلن اوتکزیلگن اوچره‌شوولرده خبرچی‌لردن حمایت قیلیش اوچون محافظتی بیر مکانیسم ایجاد ایتیش تکلیف بیریلگن بیرحالده، بیراق حاضرگچه ایسته‌گن نیرسه‌لریگه ییتیشمه‌گنلر.
اونینگ کوپه‌یتیریشیچه، «خبرچیلرنینگ سقله‌نیشی و رسانه‌لرنینگ فعالیت قیلیشی اوچون اسلامی امارت گه بیللی بیر مکانیزم ایجاد ایتیلیشی نی تکلیف بیرگن ایدی، بیراق حاضرگچه ایسته‌گن مقصدی‌میزگه ایریشه آلمه‌دیک. ینه هم ژورنالیستلر ملی اتحادیه‌سی خبرچیلرنینگ قیینچلیک‌لری حل ایتیلیشی و بیللی بیر برنامه ایجاد ایتیلیشی خصوصیده اسلامی امارت نی قانیقتیریش اوچون کوپ سعی و حرکت قیله‌دی.»
مذکور ییغین گه شرکت قیلگن خبرچی‌لردن قطاری، خبرچیلرنینگ حمایت قیله‌دیگن نهادلرنینگ توجه سیزلیگیدن تنقید قیلیب ایتیش‌لریچه، زوروانلیککه دوچ کیلگن بیرحالده، خبرچیلرنینگ حمایت قیله‌دیگن نهادلر اولر اوچون هیچ بیر ایش قیلمه‌یدی.
بیزلرنینگ فیسبوک صحیفه‌میزگه باش اورینگ!
عیاللر حقلری فعالی زهرا محمدی نینگ ایتیشیچه: «قیغو بیلن اسلامی امارت و افغانستان ده یوزبیرگن اوزگریش‌لیکلر خبرچیلرنینگ کتته قیینچلیک‌لرگه دوچ قیلگن، نهایتده اولر فعالیت دن قالگن، بیزلرنی حمایت قیلیش اوچون بیر اتحادیه یوق دیر و اسلامی امارت خبرچی‌لرگه توجه قیلمه‌گن صورتده، بو اسلامی امارت اوچون زنگ خطر بولیشی ممکن. مینینگ همکارلریم کلتکلندی و اوزیم نیچه مرته کوپ دهشت‌لی شکلده کلتکلندیم. ینه هم معلومات و مدنیت وزیرلیگیدن رسانه‌لردن حمایت قیلووچی بیر نهاد ایجاد قیلیش‌لرینی سوره‌یمیز.»
بیراق اسلامی امارت سوزلاوچیسی اورین‌باسری بلال کریمی نینگ ایتیشیچه، ژورنالیست‌لرنینگ فعالیتی اوچون بیر ریجه تیارله‌گنلر و رسانه‌لر و خبرچی‌لرگه همکارلیک قیلیش اوچون متعهدلر دیر.
جناب کریمی نینگ کوپه‌یتیریشیچه، «اسلامی امارت رسانه‌لر و خبرچی‌لرگه همکارلیک قیلیش اوچون متعهد دیر. قیغو بیلن رسانه‌لر مجاهدلرنینگ برخوردی بیلن روپه‌رو بولگن و بو مجاهدلرنینگ ژورنالیستلر بیلن بلد بولمه‌گنی باعث یوزبیرگن. بیزلر خبرچیلر و رسانه‌لرگه بیر ریجه توزتدیک و اولر گزارش تیارلش بیر چاغده خطر گه دوچ کیلمه‌یدی.»
شونده‌ی بیرحالده، افغانستان ده اسلامی امارت قدرت گه ایریشیشی بیلن، خبرچیلرنینگ وضعیتی اوتمیش گه نسبتن یمانراق بولگن و خبری حادثه‌لرنی پوشش زمانیده نیچه مرته کلتکلنگلر.
