طالبان نینگ قدرت گه ایریشیشی و افغانستان رسانهلریگه چیکلاو یرهتیلگن بیرحالده، مملکتده رسانهلردن قطاری فعالیت دن قالگن و شونینگدیک خبرچیلردن کوپینچهسی، ایشلرینی قولدن بیریب و باشقه ایشلر بیلن شغللنگن.
بلخ ده محلی رسانهلردن بیری گه ایش قیلیب کیلگن شاداب ژکفر، طالبان حکومت نی آلگنیدن کیین وظیفهسینی قولدن بیرگن و حاضر ایسه مزارشریف شهریده بیر کراچی ده ییگولیک ماده ساتهدی.
بیزلرنینگ فیسبوک صحیفهمیزگه باش اورینگ!
اونینگ ایتیشیچه، قویاش ۱۳۹۴- ییل دن بویان تورلی رسانهلر و خبرگزارلیکلر بیلن ایش قیلگن؛ بیراق حاضر اسلامی امارت سایهسیده بیر لقمه نان تاپیش اوچون کراچی ده آوقت ساتیش گه زورلنگن.
جناب ژکفر نینگ ایتیشیچه، وظیفهسی نینگ قولدن بیرگنی، اونینگ روحیهسی اوستیگه یمان تأثیر قویگن، چونکه تقدیری نیمه بولیشی نی بیلمهیدی. اونینگ ایتیشیچه، خبرچیلیک دن کراچی ده ماده ساتیش، اونینگ حقی ایمس ایکن.
طالبان حکومت گه ایریشمهگنیدن آلدین مملکتده، ۲۰۰ دن آرتیق رادیو، ۷۵ تلویزیونی شبکه، ۱۵۰۰ دن آرتیق چاپی نشریه، اونلرچه خبرگزارلیک و خبری وبسابت فعالیت قیلهدی ایکن؛ بیراق حاضر ۱۵۳ رسانه مملکتده فعالیت دن قالگن.