ژورنالیست‌لردن حمایت قیلووچی کمیته، سلام‌وطندار خبرچیسی محمدعلی احمدی اوستیگه اویوشتیریلگن هجوم‌نی معلومات ییتیشتیریش‌گه قرشی تهدید عنوان قیلگن.
بیزلرنینگ فیسبوک صحیفه‌میزگه باش اورینگ!
آسیا ده ژورنالیست‌لر کمته‌سی برنامهلری نینگ هماهنگ قیلووچی‌سی استیون باتلر، طالباندن علی احمدی گه قرشی اویوشتیریلگن هجوم‌نی جدی شکلده تیکشیریشی‌نی سوره‌گن.
جناب باتلرنینگ ایتیشیچه، علی احمدی نی هجوم آستیگه قرار بیرگن کیشی‌لر تانیلیب و جزالنتیریلیشی کیره‌ک.
اونینگ کوپه‌یتیریشیچه، اسلامی امارت ژورنالیست‌لرنینگ فعالیتی دوام تاپیشی خصوصیده بیرگن وعده‌سیگه عمل قیلیشی‌کیره‌ک و ژورنالیست‌لرگه ایش‌لری دوام تاپیشی خصوصیده ایشانچ بیریشی لازم.
بوندن آلدین افغانستان خبرچی‌لر مرکزی بیرخبرنامه نشر قیلیب، علی احمدی گه قرشی صورت تاپگن هجوم‌نی قاره‌لب و بو واقعه ژورنالیست‌لرگه قرشی تهدید و زوروانلیک کوپه‌یگنی‌نی کورسته‌دی دیگن
ایرکین سوز اویی هم بیر اعلامیه نشر قیلیب، اسلامی امارت دن بو واقعه عامل‌لرینی تانیب و جزالنتیریشی‌نی سوره‌گن.
سلام‌وطندار خبرچیسی علی احمدی اوتگن “شنبه” کونی دفتر دن اویی تامان باره‌دیگن پیتده هجوم آستیگه قرار بیریلیب یره‌لنگن ایدی. اونینگ ایتیشیچه، موتر ده یانیده بولگن کیشی اونینگ شغلی حقیده معلومات قولگه کیلتیرگنیدن سونگ، سلام‌وطندار آمریکالیک رادیو دیب و اوق آتگن.
بیزلرنینگ فیسبوک صحیفه‌میزگه باش اورینگ!
ایتیلیشیچه، بوندن آلدین سلام‌وطندار خبرچی‌لریدن باشقه بیری شکیب سیاووش کابل‌ده یولگه قوییلگن اعتراض‌نی پوشش آستیگه قرار بیریش مقصد ده بارگن پیتده طالبان تامانیدن کلتکلنگن.
