لبناننینگ تورلی بولیملریگه اسرائیل آرقهلی اویوشتیریلگن اینگ ینگی هوا هجوملریده، کمیده ۲۰ کیشی اولیب و باشقه اونلب کیشی یرهلنگن.
الجزیره خبری ترماغینینگ بوگون (۳-جوزا/۲۴-می، یکشنبه)، گزارش بیریشیچه، اسرائیل یشش منطقهلر، یاردم بیریش مرکزلری و کسلخانهلر یقینلرینی نشانگه آلگن.
لبناندهگی منبعلرنینگ اعلام قیلیشیچه، اسرائیل هجوملری یاردم بیریش و قوتقریش عملیاتینی هم قیینچیلیک بیلن روپهره قیلگن.
بو بیلن بیرگه اسرائیل اردوسی، لبنان جنوبیده جایلشگن شهرلر و قیشلاقلرگه بوشهتیلیش بویروغینی بیرگن.
رسمی معلوماتلر اساسیده، ۲-مارچ ده آتیشمهلر ینگی باسقیچی باشلنگنیدن بویان، لبنان ده اسرائیلنینگ اویوشتیرگن هجوملری نتیجهسیده ۳ مینگ ۱۰۰ دن آرتیق کیشی قربان بولگن.
