امریکا واسطهچیلیگی بیلن واشینگتن ده ایکی کون مذاکره بولگنیدن کیین، اسرائیل و لبنان ۴۵ کونلیک آتیش کیسینگه کیلیشگنلر.
شونینگدیک ایکی تامان ۱۵-می، جمعه کونی کیلهسی هفتهلرده مذاکرهلر دوامی اوچون کوپینچه ییغیلیشلر اوتکزیلیشی گه هم کیلیشگن.
بو، ۲-مارچ ده حزباللهنینگ راکته آتیشلریدن سونگ، اسرائیل لبنان گه قرشی هوا هجوملرینی کوچهیتیرگنیدن بیری اوتکزیلهیاتگن مذاکرهلرنینگ اوچینچی باسقیچی حسابلنهدی.
آتیش کیسین برقرار بولگنی بیلن، حزبالله و اسرائیل حاضرگچه بیر-بیریگه قرشی هجوملرینی اویوشتیریب و توقنشوولردن کوپینچهسی لبنان جنوبیده یوز بیرماقده.
گزارشلر اساسیده، لبنان جنوبیده اسرائیلنینگ هوا هجوملری و ییر عملیاتی نتیجهسیده، حاضرگچه قریب ۱.۲ میلیون کیشی آواره بولگن.
