اسرائیل ینه بیر مرته لبنان جنوبیده نبطیه شهرینی هوا هجوملری بیلن نشانگه آلگن.
لبنان ملی آژانسینینگ بوگون (۲۰-سرطان/ ۱۱-جولای، شنبه)، گزارش بیریشیچه، اسرائیل کوچلری نبطیه شهری اطرافینی نشانگه آلگن.
گزارش اساسیده، بیرینچی هجومدن بیش دقیقه سونگ، مذکور محلده ینه بیر پهپادی هجوم عملگه آشیریلگن.
اوشبو هجوملر بیلن بیرگه، لیتانی دریاسی یقینیده جایلشگن «زوطر الشرقیه» منطقهسیده اسرائیل کوچلری آرقهلی آتیشمه یوز بیرگنیدن هم گزارش بیریلگن.
حاضرگچه مذکور هجوملر و آتیشمهلر نتیجهسیده ییتیشگن تلفات و زیانلر حقیده هیچ بیر نرسه ترقهتیلمهگن.
لبنان جنوبی، سونگی آیلرده اسرائیل و حزبالله آرهسیده توقنشوولر کوپهیشیگه شاهد بولیب و ایکی تامان چیگرهسی بویلب اوزارا هجوملر دوام قیلگن.
