اسرائیلنینگ اعلام قیلیشیچه، لبنان دهگی توقنشوولرده بیرته عسکری اولیب و نیچه ییریک قوماندانی شامل ییتی عسکری یرهلنگن.
«تایمز آف اسرائیل» کوندهلیگینینگ بوگون (۲۸-جوزا/۱۸-جون، پنجشنبه)، مذکور مملکت اردوسیدن نقل قیلیب گزارش بیریشیچه، اوشبو عسکرلر اوتگن کونی توشدن کیین لبنان جنوبیده حزبالله آرقهلی جایلشتیریلگن بیر بمبنینگ پارتلشی عاقبتیده اولیب و یرهلنگن.
اسرائیلگه کوره، مذکور واقعه نتیجهسیده یرهلنگنلر کسلخانهگه انتقال بیریلگن.
گزارش اساسیده، اوشبو عسکرلرنینگ اولیب و یرهلنگنیدن کیین، اسرائیل اردوسی منطقه ده حزبالله گه تیگیشلی آستقورمهلرنی نشانگه آلگن.
اسرائیل و حزبالله آرهسیدهگی توقنشوولر ایکینچی مارچ و ایران اوروشیدن سونگ کوچهیب و بو مدتده، مذکور مملکتنینگ ۳۰ عسکری هلاک بولگن.
