پاکستان حاکمیتی آستیدهگی کشمیر ده خوفسیزلیک کوچلری و اعتراضچیلر آرهسیده یوز بیرگن توقنشوو نتیجهسیده، کمیده ۱۱ کیشی اولیب و ۷۰ دن آرتیق کیشی یرهلنگن.
رویترز آژانسینینگ بوگون (۱۸-جوزا/۸-جون، دوشنبه)، گزارش بیریشیچه، اوشبو توقنشوولر سهشنبه کونیگه ریجهلشتیریلگن عمومی اعتصاب عرفهسیده یوز بیرگن.
محلی رسمیلرنینگ اعلام قیلیشیچه، تورت پولیس، یولدن اوتهدیگن بیر کیشی و آلتیته اعتراضچی، اوشبو زورهوانلیکلر جریانیده اولگن. پولیسگه کوره، خوفسیزلیک کوچلریدن ۲۳ تهسی و اعتراضچیلردن ۵۰ تهسی یرهلهنیب همده ۳۰ کیشی قولگه آلینگن.
توقنشوولر «عوامی قوشمه حرکت کمیتهسی» اعضاسی راولاکوت منطقهسیدهگی بیر کسلخانهنینگ اولگنلر سقلنهدیگن بولیمی تشقریسیده توپلنگنی پیتده باشلنگن.
شوندهی بیرحالده، محلی رسمیلر اوشبو ادعانی رد قیلیب و ایتیشیچه، خوفسیزلیک کوچلری نظم و قانون برقرار بولیشی اوچون عمل قیلگن. اولرنینگ کوپهیتیریشلریچه، اعتراضچیلردن قطاری خوفسیزلیک کوچلریگه قرشی اتومات قوراللر و آلاو بیرووچی بمبلردن فایدهلنگنلر.
عوامی قوشمه حرکت کمیتهسی، کیلهسی سیلاوده محلی پارلماندهگی توپلم ۴۵ اوریندن ۱۲ تهسینینگ باشپنه ایزلاوچیلرگه اجرهتیلیشیگه ناراضلیک صفتیده عمومی اعتصاب اعلام قیلگن.
