لبنان ساغلیقنی سقلش وزیرلیگینینگ اعلام قیلیشیچه، اوشبو مملکت یشاوچیلریدن ۳۰۰۰ دن آرتیغی اسرائیل بیلن توقنشوولرده قربان بولگن.
مذکور وزیرلیک، ۲-مارچ ده بو مملکت بیلن توقنشوولر کوچهیگنیدن کیین اسرائیل اردوسی هجوملری نتیجهسیده، ۳ مینگ ۲۰ کیشینینگ قربان بولگنینی بیان قیلگن.
لبنان ساغلیقنی سقلش وزیرلیگیگه کوره، اسرائیل هجوملری قربانلری آرهسیده ۶۱۹ عیال، باله و طبیات خادملری هم شامل دیر.
اسرائیل و حزبالله لبنان آرهسیدهگی اوروش، بو مملکت و امریکا آرقهلی ایراننینگ نشانگه آلینگنیدن کیین کوچهیب و آتیش کیسین برقرار بولگنی بیلن دوام قیلماقده.
اسرائیل اردوسینینگ اعلام قیلیشیچه، اوتگن ۲۴ ساعتده لبنان جنوبیده حزباللهنینگ ۳۰ دن آرتیق موقعیتینی نشانگه آلگن.
بو بیلن بیرگه، اسرائیل و حزبالله جاری میلادی آی ۱۵ می، امریکا واسطهچیلیگی بیلن ۴۵ کونلیک آتیش کیسینگه کیلیشگنلر؛ بیراق اوشبو کیلیشوو ایکی تامان آرهسیدهگی اوروشنی توختته آلمهگن.
