امریکا واسطهچیلیگی بیلن آتیش کیسین برقرار بولگنی بیرحالده، لبناننینگ تورلی منطقهلری گه اسرائیل هجوملری دوام قیلماقده و اینگ ینگی موردده، کمیده ۲۴ کیشی قربان بولیب و باشقه اونلب کیشی یرهلنگن.
الجزیرهنینگ بوگون (۲۰-ثور/۱۰-می، یکشنبه)، گزارش بیریشیچه، اسرائیل صیدا، نبطیه، سعدیات، حبوش و باشقه بیر قطار شهرلرگه هجوم قیلگن.
شونینگدیک حزباللهنینگ اعلام قیلیشیچه، لبنان جنوبیده اسرائیل جایلری همده میسگاو عام چیگره منطقهسینی توپخانه و پهپاد بیلن نشانگه آلگن. اسرائیل اردوسی بو مملکت توپراغی تامان آتیلگن نیچه پارتلاوچی پهپادنینگ یوق قیلگنیدن خبر بیرگن.
اسرائیل و حزبالله آرهسیده آتیش کیسین برقرار بولگنیدن اوچ هفته بولگنی بیلن، ینه هم اوشبو هجوملرنینگ دوامی بار. لبنان ساغلیقنی سقلش وزیرلیگینینگ معلوماتی اساسیده، ۲-مارچ ده توقنشوولر باشلنگنیدن حاضرگچه، بو مملکتگه اسرائیلنینگ اویوشتیرگن هجوملری عاقبتیده، ایکی مینگ ۷۵۰ دن آرتیق کیشی قربان بولگن.
