اسرائیل کوچلری بیروتنینگ جنوبی بولیمینی بمباردمان قیلیب و اوشبو هجومده حزباللهنینگ رضوان کوچی قوماندانلریدن «مالک بلو»، قربان بولگنینی ایتگن.
الجزیرهنینگ بوگون (۱۷-ثور/۷-می، پنجشنبه)، گزارش بیریشیچه، لبناننینگ بیر قطار بولیملریگه اسرائیلنینگ اویوشتیرگن هجوملری عاقبتیده، کمیده ۱۳ کیشی قربان بولگن.
شونینگدیک لبنان رسمی آژانسینینگ گزارش بیریشیچه، اسرائیل جنگریلری بیروت جنوبی حدودیده جایلشگن «غبیری»منطقهسینی نشانگه آلگن.
اسرائیل باشوزیری بنیامین نتانیاهو، مذکور هجومنی تصدیقلب و ایتیشیچه، اردوگه عملیات اوتکزیلیش بویروغی او بیلن مذکور مملکت مدافعه وزیری اسرائیل کاتس آرقهلی بیریلگن.
نتانیاهونینگ ادعا قیلیشیچه، حزباللهنینگ رضوان کوچلری اسرائیل کوچلری و شهرچهلریگه هجوم قیلیش مسئولی بولیب و «هیچ بیر کیشینینگ تینچلیککه ایگه بولمهگنیگه» تاکید قیلگن.
حزبالله حاضرگچه، قوماندانلریدن بیرینینگ اولدیریلگنیگه اساس اسرائیل ادعاسی حقیده هیچ بیر عکسالعمل کورستمهگن.
اسرائیل و حزبالله آرهسیدهگی توقنشوولر سونگی آیلرده کوپینچه تلفاتگه سبب بولگن. ۱۷-اپریل ده ایکی تامان آرهسیده آتیش کیسین عملگه آشیریلدی، بیراق حاضرگچه کیسکینلیک و هجوملرنینگ دوامی بار.
