ایران اسلامی جمهوریتی حربی کوچلری‌نینگ باش قوماندانی محمد باقری، اسرائیل‌نینگ هوا هجوملری عاقبتیده هلاک بولگن.
معلومات‌لر گه کوره، اسرائیل بوگون (۲۳-جوزا، جمعه) ایرته‌لب ایران‌نینگ تورلی حدودلری جمله‌دن تهران گه هوا آرقه‌لی هجوم اویوشتیرگن.
بیزلرنینگ فیسبوک صحیفه‌میزگه باش اورینگ!
یېتکرمه‌لرنینگ معلوماتی اساسیده، بو هجوملرده ایران سپاه پاسداران باش قوماندانی حسین سلامی، ایران اتمی انرژی تشکیلاتی سابق قوماندانی فریدون عباسی و آزاد بیلیم یورتی باشلیغی مهدی ترانچی هلاک بولگنلر.
ایران سپاه پاسداران بیر بیانیه ترقه‌تیب، اوشبو کوچلر باش قوماندانی حسین سلامی، اسرائیل‌نینگ هوا هجوملری عاقبتیده هلاک بولگنینی تصدیقله‌گن.
بیزلرنینگ «ایکس» ترماغی ده هم تعقیب قیلینگ!
شونینگدیک، اسرائیل باش وزیری بنیامین نتانیاهو، بو هجومنی «مثل‌سیز» اته‌ب و ایران‌نینگ هسته‌ای قوریلمه‌لری نشانگه آلینگنینی معلوم قیلگن.
عین‌حالده، امریکا قۉشمه ایالتلری‌نینگ تشقی ایشلر وزیری مارکو روبیو، مملکتی اسرائیل‌نینگ ایران گه قرشی هجوملریده قولی یوق‌لیگینی اېتگن.
