بادغیس ولایتیده عیاللردن قطاری جنیننینگ چَله توشیشی، بچهدانده پارچه یا-ده پلاسنتا قالیشی، جدی شکلده قان کیتیش و آنه ساغلیگینینگ تهدید آستیده قالیشی کبی قیینچیلیکلر سبب، کورتاژ قیلدیریشگه مجبور بولهدیلر؛ بیراق آگاهیلیک کملیگی، ساغلیقنی سقلش خذمتلریدن آزراق فایدهلنه آلیش و عملیاتدن کیین مراقبت قیلیش امکانیتلری یوقلیگی، اولرگه بو جریاننی قیینلشتیرگن.
کابل شهری یشاوچیلریدن بیرقطاری گه کوره، بازارلرده آزیق-آوقت نرخی یوقاریلیگی اولرنی کوندهلیک احتیاجلرینی تأمینلشده قیینچیلیک بیلن دوچ قیلگنینی ایتهدیلر. اولرنینگ کوپهیتیریشیچه، ایشسیزلیک و برقرار درآمد یوقلیگی عایلهلرنی اقتصادی باسیم بیلن روپهره قیلگن.
رویترز آژانسینینگ گزارش بیریشیچه، پاکستاننینگ کویته شهریدهگی تیمیر یولی یونهلیشیده یوز بیرگن پارتلش نتیجهسیده، کمیده ۲۴ کیشی اولیب و ۵۰ دن آرتیق کیشی یرهلنگن.
بیرلشگن ملتلر تشکیلاتی افغانستان بولیمینینگ اعلام قیلیشیچه، جاری میلادی ییلده بو مملکت قاچقینلرنینگ دایمی همده کینگ کولملی قیتیشی و چیقریلیشی بیلن روپهره دیر.
اسلام امیرلیگی رهبری شیخ هبتالله آخوندزاده، قربان هییتی بیرهمی مناسبتی بیلن ترقهتگن قوتلاو پیامیده ایتیشیچه، دنیا اینیقسه اسلامی مملکتلر بیلن شریعت اساسیده سیاسی و اقتصادی علاقه قوریشنی ایستهیدی.
تورکیه جمهور باشلیغی رجب طیب اردوغان، امریکا جمهور باشلیغی دونالد ترامپ، بحرین پادشاهسی، بیرلشگن عرب امیرلیگی باشلیغی، قطر امیری، مصر جمهور باشلیغی، سعودی عربستان ولیعهدی، اردن پادشاهسی، پاکستان حربی باشلیغی و امریکا جمهورلیک ریاستی کابینه اعضالری بیلن ویدیو کنفرانس آرقهلی سوزلشدی.
خلقارا قیزیل خاچ کمیتهسی، بلخ ولایتی دولتآباد تومنیده ۲۵۰ دهقان گه ایکینچیلیک جهازلری ترقهتیلگنینی معلوم قیلگن. مذکور یاردملر دهقانلرنینگ آزیق-آوقت خوفسیزلیگی، محصوللرنینگ کمراق ضایع بولیشی و تیریکچیلیک وضعیتیدن حمایت قیلیش مقصد کورسهتیلگن.
چین جنوبغربیده جایلشگن یونگچوان منطقهسیده یوز بیرگن کوچلی یاغینگرچیلیکلر عاقبتیده، کمیده بیر کیشی اولیب و باشقه ۱۷ کیشی لادرک بولگن.
امریکا ییتکرمهلرینینگ گزارش بیریشیچه، واشینگتن دیسی ده آق سرای یقینیده قوراللی بیر کیشی خوفسیزلیک کوچلری تامان اوق آتگن.
لبناننینگ تورلی بولیملریگه اسرائیل آرقهلی اویوشتیریلگن اینگ ینگی هوا هجوملریده، کمیده ۲۰ کیشی اولیب و باشقه اونلب کیشی یرهلنگن.
