پرتگاللیک فوتبال یولدوزی و سعودی عربستان النصر کلوبینینگ هجومچیسی کریستیانو رونالدو، کیتمه-کیت تورتینچی بار اینگ کوپ معاش آلووچی سپورتچی بولدی.
فوربس ژورنالینینگ تدقیقاتیگه کوره، رونالدو النصر بیلن توزگن شرطنامهسی آرقهلی ۲۳۵ میلیون دالر، تورلی ریکلامه شرطنامهلریدن ایسه ینه ۶۵ میلیون دالر ایشلب تاپگن.
شو طریقه اونینگ عمومی درآمدی ۳۰۰ میلیون دالر گه ییتهدی. ایکینچی اوریننی مکسیکولیک بوکسچی ایگللهدی، اونینگ درآمدی ۱۶۵ میلیون دالرنی تشکیل ایتهدی. اوچینچی اورین ایسه اینتر میامی هجومچیسی لیونل مسی گه نصیب ییتدی، ارجنتاینلیک فوتبالچینینگ عمومی درآمدی ۱۴۰ میلیون دالرنی تشکیل ایتهدی. شو طریق مسی رونالدودن کیینگی ایکینچی میلیاردر فوتبالچی گه ایلنگن.
