بیرلشگن ملتلر تشکیلاتی افغانستان بولیمینینگ اعلام قیلیشیچه، جاری میلادی ییلده بو مملکت قاچقینلرنینگ دایمی همده کینگ کولملی قیتیشی و چیقریلیشی بیلن روپهره دیر.
مذکور نهادنینگ بوگون (۳-جوزا، یکشنبه)، اکس صحیفهسیده یازیشیچه، افغانستانلیک ایکی میلیون ۷۰۰ مینگ کیشینینگ ۲۰۲۶-ییل یکونیگچه ایران و پاکستان دن بو مملکت گه قیتیشی ممکن.
بیرلشگن ملتلر تشکیلاتینینگ کوپهیتیریشیچه، افغانستان گه قیتهدیگنلرنی قوللب-قوتلش مقصد ۲۰۲۶-ییل ایکی باسقیچلی جواب بیریش ریجهسینی تیارلهب و اونینگ عملگه آشیریش اوچون ۵۲۹ میلیون دالرگه نیاز بار.
مذکور نهادگه کوره، اوشبو ریجهنینگ عملگه آشیریلیشی بیلن چیگره قتناو یوللریدن قیتهدیگنلر گه فوقالعاده یاردملر کورسهتیلیب و افغانستاننینگ ۳۵ تومنیده اولرنینگ جمعیتگه قوشیلیشی اوچون هر تامانلنمه قوللب-قوتلش عملگه آشیریلیشی ممکن.
ایران و پاکستان دن افغانستانلیک قاچقینلرنینگ چیقریلیش جریانی دوام قیلیب و اسلام امیرلیگینینگ معلوماتی اساسیده، اوتگن تورت ییلدن آرتیق مدتده قریب ییتی میلیون کیشی افغانستان گه قیتگن.
